________________
.
णिक्कम्मा अट्ठगुणा किंचूणा चरमदेहदो सिद्धा। लोयग्गठिदा णिच्चा उप्पादवयेहिं संजुत्ता ॥ १४ ॥ अज्जीवो पुण णेओ पुग्गलधम्मो अधम्म आयासं । कालो पुग्गल मुत्तो रुवादिगुणो अमुत्ति सेसा दु ॥ १५ ॥ सद्दो बंधो सुहुमो धूलो संठाणभेदतमछाया। उज्जोदादवसहिया पुग्गलदव्वस्स पज्जाया ।। १६ ।। .. गइपरिणयाण धम्मो पुग्गलजीवाण गमणसहयारी। . तोयं जह मच्छाणं अच्छंता व सा णेई ॥ १७ ॥ ठाणजुदाण अधम्मो पुग्गलजीवाण ठाणसहयारी। छाया जह पहियाणां गच्छंता णेवा सो धरई ॥ १८ ॥ अवगास-दाण-जोगं जीवादीणं वियाण आयासं। जेण्हं लोगागासं अल्लोगागासमिदि दुविहं ॥ १९ ॥ धम्माधम्मा कालो पुग्गलजीवा य संति जावदिये। . आयासे सो लोगो तत्तो परदो अलोगुत्तो ॥ २० ॥ दचपरिवटरूवो जो सो कालो हवेइ ववहारो। परिणामादीलक्खो वट्टणलक्खो च परमट्ठो ॥ २१ ॥ लोयायासपदेसे एक्केक्के जे ठिया हु एक्किक्का । रयणाणं रासीमिव ते कालाणु असंखदवाणि ।। २२ ॥ एवं छन्भेयमिदं जीवाजीवप्पभेददो दब्वं । उत्तं कालविजुत्तं णादव्या पंच अत्थिकाया य ॥ २३ ॥ संति जदो तेणेदे अस्थि त्ति भणंति जिणवरा जम्हा। काया इव बहुदेसा तम्हा काया य अत्थिकाया य ॥ २४ ॥ होंति असंखा जीवे धम्माधम्मे अणंत आयासे । . . . . मुत्ते तिविह पदेसा कालस्सेगो ण तेण सो काओ ॥ २५ ॥ एयपदेसो वि अणू णाणाखंधष्पदेसदो होदि । बहुदेसो उवयारा तेण य काओ भणंति सव्वण्ह ॥ २६ ॥ जावदियं आयासं अविभागीपुग्गलाणुबट्टद्धं । तं खु पदेसं जाणे सञ्चाणुट्ठाणदाणरिहं ॥ २७ ॥ . आसव बंधण संबर णिज्जर मोक्खा सपुण्णपावा जे। जीवाजीवविसमा ने वि गमासेण पभणामो ॥ २८ ॥
-
५२ ..
.
