________________
પરિશિષ્ટ દ્રવ્યસંગ્રહની પ્રાકૃત ગાથાઓ
जीवमजीवं दव्वं जिणवरवसहेण जेण णिद्धिढं । देविंदविंदवंदं वंदे तं सचदा सिरसा ॥ १ ॥ जीवो उवओगमओ अमुत्ति कत्ता सदेहपरिमाणो। भोत्ता संसारत्थो सिद्धो सो विस्ससोड्ढगई ॥ २ ॥ तिक्काले चदुपाणा इंदियबलमाउ आणपाणो य। ववहारा सो जीवो णिच्छयणयदो. दु चेदणा जस्स ॥ ३ ॥ उपओगो दुवियप्पो दंसणणाणं च दंसणं चदुधा। चक्खु अचक्खू ओही दंसणमध केवलं णेयं ॥ ४ ॥ णाणं अवियप्पं मदि-सुद-ओही अणाण-णाणाणि। मणपज्जयकेवलमवि पच्चक्खपरोक्खभेयं च ॥ ५ ॥ अट्ठ चदु गाण दंसण सामण्णं जीव-लक्खणं भणियं । ववहारा सुद्धणया सुद्धं पुण दंसणं गाणं ॥ ६ ॥ वण्ण रस पंच गंधा दो फासा अट्ठ णिच्छया जीवे । णो संति अमुत्ति तदो ववहारा मुत्ति बंधादो ॥ ७॥ पुग्गलकम्मादीणं कत्ता वबहारदो दु णिच्छयदो। चेदणकम्माणादा सुद्धणया सुद्धभावाणं ।। ८ ॥ ववहारा सुह-दुक्खं पुग्गलकम्मप्फलं पभुजेदि। आदा णिच्छयणयदो चेदणभावं खु आदस्स ॥ ९ ॥ अणुगुरु-देह-पमाणी उपसंहारप्पसप्पदो चेदा। असमुहदो ववहारा णिच्छयणयदो असंखदेसो वा ॥ १० ॥ पुढवि-जल-तेयवाऊ- वणप्फदी विविहयावरेइंदी। . विगतिगचपंचवक्खी तसजीवा होति संखादी ॥ ११ ॥ समणा अमणा णेया पंचेदिय णिम्मणा परे सच्चे। बादर-सुहमेइंदिय सब्चे पज्जत्त इदरा य ।। १२ ।। मग्गण-गुणठाणेहिं य चउदसहिं हनि नह असुद्धणया। विष्णेया संसारी सच्चे सुद्धा द सुद्धणया ।। १ ।।
