________________
आसवदि जण कम्मं परिणामेणप्पणो स विष्णेओ । भावासव जित्तो कम्मासवणं परो होदि ।। २९ ।
मिच्छत्ताविरदिपमादजोगकोधादओऽथ विण्णेया । पण पण पणदस तिय चदु कमसो भेदा दु पुव्वस्स ॥ ३० ॥
णाणावरणादीणं जोग्गं जं पुग्गलं समासवदि । दव्यासबोस यो अणेयभेओ जिणक्खादो ॥ ३१ ॥
बज्झदि कम्मं जेण द चेदणभावेण भावबंधो सो । दु कम्मादपदेसाणं अण्णोष्णपवेसणं इदरो ॥ ३२ ॥
पयडिट्ठि अणुभागप्पदेसभेदादु चदुविधो बंधो। जोगा पयडिपदेसा ठिदिअणुभागा कसायदों होंति ।। ३३ ॥ चेदणपरिणामो जो कम्मस्सासवणिरोहणे हेऊ । सो भावसंवरो खलु दव्वासवरोहणे अण्णो ।। ३४ ।। वदसमिदीगुत्तीओ धम्माणुपेहा परीसहजओ य । चारित्तं बहुभेया णायव्वा भावसंवरविसेसा ।। ३५ ।। जह कालेण तवेण य भुत्तरसं कम्मपुम्गलं जेण । भावेण सडदि या तस्सडणं येदि णिज्जरा दुविहा || ३६ ||
सव्वस्स कम्मणो जो खयहेदू अप्पणो हु परिणामो । णेओ स भावमुक्खो दव्वविमोक्खो य सम्मपुहभावों ॥ ३७ ॥
असुभावता पुणं पावं हवंति खलु जीवा । सादं सुहाउ णामं गोदं पुण्णं पराणि पावं च ॥ ३८ ॥ सम्मर्द्दसणणाणं चरणं मोक्खस्स कारणं जाणे । ववहारा णिच्छदो तत्तियमइओ णिओ अप्पा ॥ ३९ ॥
रयणत्तयं ण वट्टइ अप्पाणं मुत्तु अण्णदवियम्हि । तम्हा तत्तियम होदि हु मोक्खस्स कारणं आदी ॥ ४० ॥
जीवादीसद्दहणं सम्मत्तं रूत्रमप्पणो तं तु । दुरभिणिवेसविमुक्कं णाणं सम्मं खु होदि सदि जम्हि ॥ ४१ ॥ संसयविमोहविग्भमविवज्जियं अप्पपरसरूवस्स ।
गहणं सम्मंणाणं सायारमणयभेयं तु ।। ४२ ।।
जं सामण्णं गहण भावाणं णेव कट्टुमायारं । अविसेसिण अट्ठे दंसणमिदि भण्णए समए ॥ ४३ ॥
૧૩
