________________
૨૩૨
વૈરાગ્યકલ્પલતા/શ્લોક-૨૧૭-૨૧૮
પરિણામને જોનારી નિર્મળ દૃષ્ટિવાળા હોય છે અને જ્ઞાન તપથી સમેત હોય છે તેથી નવું નવું શ્રુત અધ્યયન કરીને તેના પરમાર્થથી આત્માને ભાવન કરનારા હોય છે અને સ્વભૂમિકા અનુસાર સ્વાધ્યાયમાં કે સદ્બાનમાં રત હોય છે અર્થાત્ પ્રથમ ભૂમિકામાં સ્વાધ્યાયથી આત્માને વાસિત કરે છે અને સંપન્ન અવસ્થામાં આત્માને સધ્યાનથી વાસિત કરવા યત્ન કરે છે.
||૨૧૭||
શ્લોક ઃ
लुक्षान्नपिण्डग्रहणेन यात्रामात्राधिकारो नवकोटिशुद्ध्या ।
समग्रशीलाङ्गसहस्त्रधारी,
बन्धप्रमोक्षाय कृतप्रयत्नः ।।२१८ ।।
શ્લોકાર્થ :
નવકોટિ શુદ્ધિથી=કરણ કરાવણ આદિ નવકોટિની શુદ્ધિથી, રુક્ષ અન્નપિંડના ગ્રહણ વડે યાત્રામાત્રના અધિકારવાળા=સંયમયાત્રામાત્રના યત્નવાળા, સમગ્ર શીલાંગ સહસ્ત્રને ધારણ કરનારા, બંધપ્રમોક્ષ માટે= બંધાયેલા કર્મના અત્યંત મોક્ષ માટે, કૃત પ્રયત્નવાળા છે. II૨૧૮૫
ભાવાર્થ:
જે મહાત્માઓને દેહથી માંડીને જગતના સર્વ પદાર્થો આત્માથી ભિન્ન છે તેવું સ્પષ્ટ જ્ઞાન છે અને આત્માનો આત્માની નિર્લેપ પરિણતિ સાથે અભેદ છે તે પ્રકારનો સ્પષ્ટથી બોધ છે અને તે નિર્લેપ પરિણતિને અતિશય કરવા અર્થે જેઓ મન-વચન-કાયાની કરણ-કરાવણ અનુમોદનરૂપ નવકોટિની શુદ્ધિથી ભિક્ષા ગ્રહણ કરે છે અને ભિક્ષામાં ક્યાંય સંશ્લેષ ન થાય માટે રુક્ષ અન્નપિંડના ગ્રહણથી સંયમમાત્રરૂપ યાત્રામાં યત્ન કરનારા છે તેઓ સતત મોહના ઉન્મૂલન માટે અંતરંગ ઉદ્યમ કરનારા છે, તેથી મુનિભાવના બીજભૂત સમગ્ર અઢાર હજાર શીલાંગોને ધારણ કરનારા છે, તેઓ આત્મા સાથે બંધાયેલાં કર્મોના અત્યંત મોક્ષ માટે પ્રયત્નવાળા છે. II૨૧૮॥
