________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
| पच्चत्थिमिल्लाए कोडीए पच्चत्थिमिल्लं लवणसमुहं पुट्ठा चउव्वीसं जोअणसहस्साइं णव य बत्तीसे जोअणसए अद्धभागं च किंचिविसेसूणा आयामेणं पं०, तीसे धणुपट्टे दाहिणेणं पणवीसं जोअणसहस्साइं दोण्णि य तीसे जोअणसए चत्तारि य एगूणवीसइभाए जोअणस्स परिक्खेवेणं पं० रुअगसंठाणसंठिए सव्वकणगामए अच्छे जाव पडिरूवे उभओ पासिं दोहिं परमवरवेइआहिं दोहि य वणसंडे हिं परिक्खित्ते दुण्हवि पमाणं वण्णगो, चुल्लहिमवन्तस्स वासहरपव्वयस्स उवरि बहुसमरमणिज्जे भूमिभागे पं० से जहाणामए आलिंगपुक्खरेइ वा जाव बहवे वाणमंतरा देवा य देवीओ य आसयंति जाव विहरति ॥ ७३ ॥ तस्स णं बहुसमरमणिज्जस्स भूमिभागस्स बहुमज्झदेसभाए | इत्थ णं इक्के महं पउमद्दहे गाणं दहे पं० पाईणपडीणायए उदीणदाहिणविच्छिण्णे इक्कं जोअणसहस्सं आयामेणं पंच जोयणसयाई विक्खंभेणं दस जोअणाई उव्वेहेणं अच्छे सण्हे रययामयकूले जाव पासाईए जाव पडिस्त्रे, स णं एगाए पउमवर वेइआए एगेण य वणसंडेणं सव्वओ समंता संपरिक्खित्ते वेइयावणसंडवण्णओ भाणियव्वो, तस्स णं पउमद्दहस्स चउदिसिं चत्तारि तिसोवाणपडिरुवगा पं० वण्णावासो भाणियव्वोत्ति, तेसिं णं तिसोवाणपडिरूवगाणं पुरओ पत्तेयं तोरणा पं०, ते णं तोरणा णाणामणिमया०, तस्स णं पउमद्दहस्स बहुमज्झदेसभाए एत्थ णं महं एगे पउमे पं० जोयणं आयामविक्खंभेणं अद्धजोयणं बाहल्लेणं दस जोयणाई उव्वेहेणं दो कोसे ऊसिए जलताओ साइरेगाइ दसजोयणाई सव्वग्गेणं पं० से णं एगाए जगईए सव्वओ समंता संपरिक्खित्ते जम्बुद्दीवजगइय्यमाणा गवक्खकडएवि तह चेव पमाणेणंति, तस्स णं परमस्स अयमेयारूवे वण्णावासे पं० तं० - वइरामया मूला रिट्ठामए कंदे वेरूलियामए
॥ श्री जंबूद्वीप प्रज्ञप्ति सूत्रं ॥
९१
पू. सागरजी म. संशोधित
For Private And Personal Use Only
