________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
वाससहस्सूणगाई महारायमाझे वसित्ता तेसीई पुव्वसयसहस्साई अगारवासमझे वसित्ता एगंपुव्वसयसहस्संदेसूणगं केवलिपरिआया पाउणिता तमेव बहुपडिपुण्णं सामन्नपरिआयं पाउणिता चउरासीई पुव्वसयसहस्साई सव्वाअंपाउणित्ता मासिएणं भत्तेणं अपाणएणं सवणेणं णक्खत्तेणंजोगमुवागएणं खीणे वेअणिजे आउए णामे गोए कालगए वीइकंते समुज्जाए छिण्णजाइजरामरणबन्धणे सिद्धे बुद्धे मुत्ते परिणिबुडे अंतगडे सव्वदुक्खप्पहीणे॥ ७१॥ भरहे य इत्थ देवे महिड्डीए महज्जुइए जाव पलिओवमट्टिइए परिवसइ, से एएणटेणं गो०! एवं वुच्चइ भरहे वासे २, अदुत्तरं चणंगो०! भरहस्स वासस्स सासए णामधिज्जे पं० जण कयाई "आसी ण कयाई| पत्थि ण कयाई ण भविस्सइ भुविंच भवइ अ भविस्सइ अधुवे णिअए सासए अक्खए अव्वए अवट्ठिए णिच्चे भरहे वासे ॥७२॥ कहिं णं भंते! जंबुद्दीवे चुल्लहिमवंते णामं वासहरपव्वए पं०?, गो०! हेमवयस्स वासस्स दाहिणेणं भरहस्स वासस्स उत्तरेणं पुरस्थिमलवणसमुहस्स पच्चत्थिमेणं पच्चस्थिमलवणसमुहस्स पुरिथमेणं एत्थं णं जंबुद्दीवे चुलहिमवंते णामं वासहरपव्वए पं० पाईणपडीणायए उदीणदाहिणविच्छिण्णे दुहा लवणसमुदं पुढे पुरथिमिल्लाए कोडीए पुरथिमिलं लवणसमुदं पुढे पच्चथिमिलाए कोडीए पच्चस्थिभिलं लवणसमुदं पुढे, एगं जोअणसयं उद्धंउच्चतेणं पणवीसं जोअणाई उव्वेहेणं एगं जोअणसहस्सं बावण्णं च जोअणाई दुवालस य एगूणवीसइभाए जोअणस्स विक्खंभेणं, तस्स बाहा पुरथिमपच्चत्थिमेणं पंच जोअणसहस्साई तिण्णि अ पण्णासे जोअणसए पण्णरस य एगूणवीसइभाए जोअणस्स अद्धभागं च आयामेणं, तस्स जीवा उत्तरेणं पाईणपडीणायया जाव ॥श्री जंबूद्वीप प्रज्ञप्ति सूत्र
पू. सागरजी म. संशोधित
For Private And Personal Use Only
