________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ ९२ ॥
|| ९३ ॥
॥ ९४ ॥
॥९५ ॥
॥९६ ॥
॥ ९७॥
समिईओ गुत्तिओ, खंतिपमुहाओ मित्तियाईओ। साहति जस्स सिद्धिं, तं चारित्तं जए जयइ बाहिरमभिंतरयं, बारसभेयं जहुत्तरगुणं जं । वण्णिज्जइ जिणसमये, तं तवपयमेस वंदामि तब्भवसिद्धिं जाणं-तएहि सिरिरिसहनाहपमुहेहिं । तित्थयरेहि कयं जं, तं तवपयमेस वंदामि जेण खमासहिएणं, कएण कम्माणमवि निकायाणं । जायइ खओ खणेणं, तं तवपयमेस वंदामि जेणं चिय जलणेण व, जीवसुवण्णाओ कम्मकिट्टाई । फिर्टेति तक्खणं चिय, तं तवपयमेस वंदामि आसंसाइ विरहिए, जम्मि कए कम्मनिज्जरसाए । हुंति महासिद्धिओ, तं तवपयमेस वंदामि जस्स पसाएण धुवं, हवंति नाणाविहाओ लद्धीओ। आमोसहिपमुहाओ, तं तवपयमेस वंदामि कप्पतरुस्स व जस्सेरिसाओ, सुरनरवराण रिद्धीओ। कुसुमाइं फलं च सिवं, तं तवपयमेस वंदामि अच्चंतमसज्झाई, लिलाइ वि सव्वलोअकज्जाई । सिझंति झत्ति जेणं, तं तवपयमेस वंदामि दहिदुव्वयाइमंगल-पयत्थसत्थम्मि मंगलं पढमं । जं वणिज्जइ लोए, तं तवपयमेस वंदामि तं च इमेसि पयाणं, कित्तियमित्तं इमं तए नायं । जं सव्वाण सुहाणं, मूलं आराहणमिमेसि एयाराहणमूलं, च पाणीणं केवलो सुहो भावो। सो होइ धुवं जीवाण, निम्मलप्पाणं नण्णेसि
॥ ९८॥
॥ ९९ ॥
।। १००॥
॥ १०१॥
॥ १०२॥
॥ १०३ ॥
30४
For Private And Personal Use Only
