________________
Shri Mahavir Jain Aradhana Kendra
सुदंस०४
www.kobatirth.org
Acharya Shri Kailassagarsuri Gyanmandir
निवधूया । सावयकुलप्पसूया, केण व हरिडं इहाऽऽणीया ? ॥९०॥ ता धीरवेमि एयं भयसंभंतं विओयदुक्खत्तं । इय चिंतिय सो वि जिणं, वंदित्ता थुणइ भत्तीए ॥९१॥
तंजहा - विन्नायसयलजयजीयकम्मपरिणामठिईगइसहाव ! । दंसियसासयसुहठाण ! जय जयाणंद ! जिणइंद ! ॥ ९२ ॥ एगग्गमणा जे पहु ! धरंति अमणं पि नियमणंमि तुमं । परिचत्तसयलजोगा, ते झाइजंति जोगीहिं ॥ ९३ ॥ कुंठाइ वि वाणीए थुणंति उक्कंठिया तुमं जे उ । थुबंति सबकुसला, ते खलु सुय केवलीहिं पि ॥ ९४ || अणिमिसनयणा जे पुण, तुमं नियच्छंति हरिसप डिहत्था । तैसि भत्तीइ मुहं अँणिमिसपहुणो वि पिच्छंति ||१५|| तुह कमकमललीणा, लीलाइ विमाणसुक्खमल्लीणा । ते भवसुहनिरवेक्खा, हवंति साहीणसिवसुक्खा ॥ ९६ ॥ इय संधुओ सि सामिय! मणत्रयकाएहिं सुधयजिनिंद ! । कुणसु पसायं मणवयकायाणमभावदाणेणं ॥९७॥ इय सो वि जिनिंदं संधुणित्त कयपढमवंदणो तीए । दिन्नासणे वइट्ठो नासन्ने नाइदूरंमि ॥९८ ॥ भणियं तेण सविणयं, कासि तुमं भइणि ! ? कत्थ व वसेसि ? । एगागिणी कलिज्जसि, किं जूहभट्ठा कुरंगिब ? ॥९९॥ विसमेरिसमि सेले, उयहीमज्झट्ठिए कहं पत्ता ? । किं नामा ? कस्स सुया व? किं व दुहकारणं तुझ ? ॥१००॥
अवि य - उच्छुट्टचिहुरभरकुसुमदामपिंजरियकुंकुम सुवत्था । किं भइणि ! नणु कलिज्जसि, मज्जणजलभिन्नमुहसोहा ? ॥ १०१ ॥ तबयणजणियगुरुमाणगंठिपूरिज्जमाणकंठाए । नियपयगयदिट्ठीए, कह कह वि इमीइ उल्लवियं ॥ १०२ ॥ भाउय ! जे विसयसुहाभिलासिणो विरइसुक्ख मलहंता । पावेंति महावसणाई, तेसिं किं होइ कहियवं ? ॥ १०३ ॥
१ पश्यन्ति । २ पडिहरथ पूर्ण । ३ आणि मिसपहु० इन्द्र । ४ अहीण० भालीन - तल्लीन इति । ५ चिहुर० चिकुर-केश ।
For Private and Personal Use Only
