Page Text
________________ तेतलिसुय 2354 - अभिधानराजेन्द्रः - भाग 4 तेतलिसुय यासी--खिप्पामेव चारगसालाए सोहणं करेहरुजाव ठिती वडिया, जम्हा णं अम्हे एस दारए कणगरहस्स रज्जे जाए, तं होऊण दारए णामेणं कणगज्झए०जाव अलं भोगसमत्थे जाए। तए णं सा पोट्टिला अण्णया कयाई तेतलिपुत्तस्स अमच्चस्स अणिट्ठा अममुण्णा अर्कता अप्पिया जाया यावि होत्था / णेच्छइ णं तेतलिपुत्ते अमचे पोट्टिलाए नामगोत्तमवि सवणयाए,किं पुण दरिसणं वा परिभोगं वा / तए णं तीसे पोट्टिलाए अण्णया कयाई पुव्वरत्तावरत्तकालसमयंसि इमेयारूवे अब्भत्थिए चिंतिए पत्थिए मणोगए संकप्पे समुप्पज्जित्था-एवं खलु अहं तेतलि-पुत्तस्स अमचस्स पुट्विं इट्ठा कंता मणुण्णा पिया आसि, इयाणिं अणिट्ठा अकंता अमणुण्णा अप्पिया जाया०जाव नेच्छइ तेतलिपुत्ते अमचे मम नामंजाव परिभोगं वा ओहयमणसं-कप्पा०जाव झियायइ / तते णं तेतलिपुत्ते अमचे पोट्टिलं ओहयमणसंकप्पं० जाव झियायमाणं पासति, पासइत्ता पोट्टिलं एवं वयासी-माणं तुमं देवाणुप्पिए! ओहयमणसंकप्पे, तुमं मम महाणसंसि विउलं असणं पाणं खाइमं साइमं उवक्ख-डावेहि, उवक्खडावेइत्ता बहूणं समणमाहणाणंजाव वणी-वगाणं देयमाणी य देवावेमाणी य विहरह / तए णं सा पोट्टिला तेतलिपुत्तेणं अमच्चेणं एवं वुत्ता समाणी हट्टतुट्ठा तेतलिपुत्तस्स अमच्चस्स एयमढे सम्म पडिसुणेति, पडिसुणेइत्ता कल्लाकल्लिं महाणसंसि विपुलं असणं पाणं खाइमं साइमं० जाव देवावे-माणी विहरति / तेणं कालेणं तेणं समएणं सुव्वयाओ णामं अज्जियाओ इरियासमियाओ०जाव गुत्तबंभयारिणीओ बहुस्सुयाओ बहुपरिवाराओ पुव्वाणुपुट्विं जेणेव तेतलिपुरे णयरे तेणेव उवागच्छइ, उवागच्छित्ता अहापडिरूवं उवग्गहं ओगि-ण्हित्ता संजमेणं तवसा अप्पाणं भावेमाणीओ विहरंति / तए णं तासिं सुव्वयाणं अजाणं एगे संघाडए पढमाए पो रिसीए सज्झाइयं करे तिजाव अडमाणीओ तेतलिस्स गिह अणुपविट्ठाओ। तएणं सा पोट्टिला ताओ अज्जाओ एन्जमाणीओ पासति, पासइत्ता हट्ठतुट्ठा आसणाओ अब्भुढे ति, अन्भुद्वित्ता वंदइ, णमंसति, वंदित्ता णमंसित्ता विउलेणं असणं पाणं खाइमं साइमं पडिलाभेइ० पडिलाभित्ता एवं वयासी-एवं खलु अहं अज्जाओ ! तेतलिपुत्तस्स अमचस्स पुट्विं इट्टा कंता पिया मणुण्णा आसि, इयाणिं अणिट्ठा अकंता अप्पिया अमणुण्णा० जाव दंसणं वा परिभोगं वा / तं तुन्भे गं अजाओ ! बहुणायाओ बहुसिक्खियाओ बहुपडियाओ, तुब्भे बहूणि गामागर०जाव आहिंडेह, बहूणं राईसर०जाव गेहाई अणुप्पविस्सह, तं अस्थि याई भे अजाओ ! केइ कहिं वि चुण्णजोए वा मंतजोए वा कम्मणजोए वा कम्मजोए वा हियउड्डावणे वा कायउड्डावणे वा आभिओगिए वा वसीकरणे वा कोउयकम्मे वा भूइकम्मे वा कंदे मूले छल्ली वल्ली मूलिया वा गुलिया वा ओसहे वा भेसजे वा उवलद्धपुव्वे, जेणाहं तेतलिपुत्तस्स अमचस्स पुणरवि इट्ठा कंता पिया मणुण्णा भवेज्जामि? तए णं ताओ अजाओ पोट्टिलाए एवं वुत्ताओ समाणीओ दो वि कण्णे ठायंति, पोट्टिलं एवं वयासी-अम्हे णं देवाणुप्पिए ! समणीओ निग्गंथीओजाव गुत्तबंभयारिणीओ, नो खलु कप्पति अम्हं देवाणुप्पिए ! एयप्पयारं कण्णे वि निसामेत्तए, किमंग ! पुण उवदिसित्तए वा,आयरियतए वा। अम्हे णं तव देवाणुप्पिए! विचित्तं केवलिपण्णत्तं धम्म परिकहेजामो। तए णं सा पोट्टिला ताओ अज्जाओ एवं वयासी-इच्छामि णं अजाओ ! तुम अंतिए केवलिपण्णत्तं धम्मं णिसामित्तए / तए णं ताओ अज्जाओ पोट्टिलाए विचित्तं धम्म परिकहें ति / तए णं सा पोट्टिला धम्मं सोचा णिसम्म हहतुट्ठा एवं वयासी-सद्दाहामि णं अजओ ! निग्गंथं पावयणं पत्तिए०जाव से जहेयं तुब्भे वदह, इच्छामि णं अहं तुब्मं अंतिए पंचाणुव्वइयंजाव गिहिधम्म पडिवजित्तए। अहासुहं देवाणुप्पिया ! मा पडिबंधं करेह / तए णं सा पोट्टिला तासिं अज्जाणं अंतिए पंचाणुव्वयं०जाव गिहिधम्म पडिवज्जति, ताओ अज्जाओ वंदइ, नमसति, नमसइत्ता पडिविसजेति। तए णं सा पोट्टिला समणोवासिया जाया०जाव पडिलाभेमाणा 2 विहरइ। तएणं तीसे पोट्टिलाए अण्णया कयाई पुव्वरत्ताव-रत्तकालसमयंसि कुडुंबजागरियं जागरमाणस्स अयमेयारूवे अब्भत्थिए चिंतिए पत्थिए मणो गए संकप्पे समुप्पज्जित्था-एवं खलु अहं तेतलिपुत्तस्स पुट्विं इट्ठा कंता पिया मणुण्णा आसि, इयाणिं अणिट्ठा अकं ता अप्पिया अमणुण्णाजाव परिभोगं वा / तं सेयं खलु मडं सुव्वयाणं अजाणं अंतिए पव्वइत्तए, एवं संपेहेति, संपेहेइत्ता कल्लं पाओ जेणेव तेतलिपुत्ते अमचे तेणेव उवागच्छइ, उवागच्छइत्ता करयलपरिग्गहियं एवं खलु देवाणुप्पिया ! मए सुटवयाणं अजाणं अंतिए धम्मे निसंतेजाव अब्भणुण्णाए पव्वइत्तए। तए णं तेतलिपुत्ते पोट्टिलं एवं वयासी-एवं खलु तुम देवाणुप्पिए ! मुंमे भवित्ता पव्वइया समाणी कालमासे कालं किचा अण्णयरेसुं देवलोएसु देवत्ताए उववजिहि त्ति, तं जइ णं तुम देवाणुप्पिए ! ममं ताओ देवलोगाओ आगम्म केवलिपन्नत्ते धम्मे बोहेहि, तो अहं विसज्जेमि, अह णं तुमं मम ण संबोहेसि, तो ण विसजेमि। तएणं सा पोट्टिला तेतलिपुत्तस्स एयमढे पडिसुणेति / तए णं तेतलिपुत्ते विउलं असणं पा
| SR No. | 016146 |
| Book Title | Abhidhan Rajendra Kosh Part 04 |
| Original Sutra Author | N/A |
| Author | Vijayrajendrasuri |
| Publisher | Rajendrasuri Shatabdi Shodh Samsthan |
| Publication Year | 2014 |
| Total Pages | 1456 |
| Language | Hindi |
| Classification | Dictionary |
| File Size |