________________
( २८३ ) सुहुम-बादराणं णिव्वत्तिपज्जत्तयाणमेदे जहण्णया परिणामजोगा। सो जहण्णपरिणामजोगो तेसि कत्थ होदि ? सरीरपज्जत्तीए पज्जत्तयदस्स पढमसमए चेव होदि। केवचिरं कालादो ? जहण्णण एगसमओ, उक्कस्सेण चत्तारि समया। तस्सुवरि तेसि चेव उक्कस्सिया परिणामजोगा। सो कस्स होदि। परंपरपज्जत्तीए पजत्तयवस्स। सो केवचिरं कालादो होदि ? जहण्णण एगसमओ, उक्कस्सेण बे समया। तदुवरि सुहम-बादराणं लद्धिअपज्जत्तयाणमुक्कस्सया परिणामजोगा। ते कत्थ होंति ? आउअबंधपाओग्गपढमसमयादो जाव भवद्विदीए चरिसमओ त्ति एत्थुद्देसे होति। आउअबंधपाओग्गकालो केत्तिओ? सगजीविदतिभागस्स पढमसमयप्पहुडि जाव विस्समणकालअणंतरहेट्टिमसमओ ति। सो केवचिरं कालादो होदि ? जहण्णण एगसमओ, उक्कस्सेण बे समया। बेईदियादि जाव सण्णिपंचिदियणिव्यत्तिपज्जत्तमो त्ति एदेसि जहण्णपरिणामजोगा एदे xxx । सो कत्थ होदि ? पढमसमयपज्जत्तयदम्मि। सो केवचिरं कालादो होदि ? जहण्णण एगसमओ, उक्कस्सेण चत्तारिसमओ होदि।
बोई दियादि जाव सण्णिपंचिदियो ति एदेसि णिव्वत्तिअपज्जत्तयाणमेदे उक्कस्सया एगंताणुवड्डिजोगा। सो एयंताणुवड्डिजोगो उक्कस्सओ कत्थ घेप्पदि ? सरीरपज्जत्तीए पज्जत्तयदो होहदि त्ति द्विदम्मि घेप्पइ। केवचिरं कालादो एयंताणुवड्डिजोगो होदि ? जहण्णुक्कस्सेण एगो समओ। बेइदियादि जाव सण्णिपंचिदियणिव्वत्तिपज्जओ त्ति एदेसिमेदे उक्कस्सपरिणामजोगाxxx। सो कस्स होवि ? परंपरपज्जत्तीए पज्जत्तयदस्स । सो केवचिरं कालादो होदि ? जहण्णण एगसमओ, उक्कस्सेण बे समया। एसा मूलवीणा णाम।
सुहुमाविसण्णिपंचिदिओ ति लद्धिअपज्जत्ताणं जहण्णया उववादजोगा एदे x xx। सो कस्स होदि ? पढमसमयतब्भवत्थस्स जहण्णजोगस्स । केवचिरं कालादो होदि ? जहण्णण उक्कस्सेण य एगसमओ। सुहमादिसण्णिपंचिदियणिन्वत्तिअपज्जत्ताणं एदे जहण्णया उववादजोगाx xx।
एदे कस्स होंति ? पढमसमयतब्भवत्थस्स विग्गहगईए वट्टमाणस्स। केवचिरं कालादो होंति ? जहण्णुक्कस्सेण एगसमओ।
मुहुम-बादराणं लद्धिअपज्जत्तयाणमेदे जहण्णया एयंताणुवड्डिजोगाxxx
Jain Education International
For Private & Personal Use Only
www.jainelibrary.org
