Akhyanakmanikosha

SR No.: 016006
Original Sutra Author: Nemichandrasuri
Author: Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad
Publication Year: 2005
Total Pages: 504
Language: Prakrit, Sanskrit
Classification: Dictionary & Story
File Size: 13 MB

Page 294

२३. व्यसनशतजनकयुवत्यविश्वासवर्णनाधिकारे भावभट्टिकाख्यानकम्
२०७
चिंतेइ अहो ! अस्थाणरागिया अहह ! बुद्धिहीणत्तं । अणवेक्खियकारित्तं अहह् ! महामोहमूढत्तं ॥१७॥ जओ
पाहाणघडियपडिमाणुरायरत्तेण किह मए मित्तो । विहिओ विएसअतिही अहह ! महामोहमूढेण? ||४७२।। ससिविमलनियकुलक्कमपहपन्भट्टण किह मए मित्तो । विहिओ विएसअतिही अहह ! महामोहमूढेण? ||४७३।। जणयसमसेट्ठिसिक्खं परिहरमाणेण किह मप मित्तो । विहिओ विएसअतिही अहह ! महामोहमूढेण ? ||१७४॥ कंदप्पभिल्लभल्लासल्लियहियएण किह मए मित्तो । विहिओ विएस अतिही अहह ! महामोह मूढण ? ॥४७५|| कह कह वि सरीरटिइ करेइ सो सटिणावराहेण । निहुयनिहुयं रुयंता मुत्ताहलथूलअंमूहि ॥१७६॥ अह कहमवि संपत्ते दुमासपज्जंतअवहिदिवसम्मि । आबद्धपंजलिउडो जंपइ सेटिं अमरदत्तो ॥४७७॥ ताय ! खमेजसु सवं अवरद्धं तुज्झ जं मए कि पि । नियजणयनिविसेसो संजाओ मज्झ तं जम्हा ||४७८|| जेण न विजड़ मित्तो मित्ताणंदो जयम्मि जीवंतो । जा अमणुन्न न सुणमि तम्स ता देहि मे कट्टे ॥४७६॥ तं नियुणिउण सेट्टी कुमरमहादुवखसल्लियसरीरो। सो पउरजणसमेओ चिलवंती रयइ कट्टाई ।।४८०॥ तो पउरजणो सव्वो कयंजली पणमिरो'कुणइ लल्लि । अत्थमइ जाव तरणी ता कुमर : तुमं विलंबेसु ॥४८१॥ अवरो वि जणो मंदिर-देवउल-पयार-तरुवरारुढो । मित्ताणंदागमणं अणिमिसनयणो पलोएइ ।। २८२।। अह दिवससेससमए समागओ सो न जाव ता कुमरो । पज्जालाविय कट्टे ण्हाइत्तु तओ सचेलो वि ॥४८३॥ जा देइ तत्थ झंपं जलंतजालाकरालजलणम्मि । ता हाहारवपुल्वं वारेइ जणी भणइ एवं ॥४८४।। एगोऽह आसवारो एगो पुरिसो समेइ सिग्धगई । इय जपंताण तओ मित्ताणंदो तहिं पत्तो ४८५।। भणइ य एसा तुह चित्तचोरिया कुणमु निग्गहमिमीए । नियपाणिपीडणेणं ति तयशु आलिंगए मित्तं ॥४८६॥ तो अमरदत्तकुमरो उच्छलियातुच्छ रिसपत्भारो । आभासिऊण पुच्छइ समग्गमवि तीए वुत्तंतं ॥४८७।। कन्नंतपत्तनयणि छणरयणीयरसमाणवरवणिं । उभिज्जमाणसिहिणि मणहरकलहंसगइगमणिं ॥४८८|| अवलोयंतो चिट्टइ सवंगं रयणमंजरिं जाव । सेट्टी वि तुट्टहियओ सविम्हयं चिंतए ताव ॥१८॥ किं पुत्तलिया घडिया दळूणं रयणमंजरिं कुमरिं ? । पुत्तलियदंसणाओ अहव इमा निम्मिया विहिणा ? ॥४९॥
अह सेट्टी उट्टित्ता कट्टे फेडित्तु अमरदत्तस्स । कारेइ पाणिगहणं सुमुहुत्ते तम्मि समयम्मि ॥४२१॥ इओ य
तत्थ अपुत्तो राया पंचत्तं पाविओ गयदिणम्मि । रायनिमित्तं दिवाइं पंच अहियासए लोओ ॥४१२॥ ताणि तओ तिय-चच्चर-चउक्क-रच्छासु परिभमंताणि । आगंतुं नवपरिणीयकुमरपासम्मि पत्ताणि ॥४१३॥ गलगजित्ता अहिसिंचिऊण वरकणयकलससलिलेण । तं मुंडादंडेणं हत्थी संठवइ नियखंधे ॥४६४॥ छत्तेण अलंकरिओ ढलिए सयमेव चामरे तम्स । हयहेसारखपुव्वं जयतूरवो समुच्छलिओ ॥४५॥ पणमिजन्तो मंडलिय-मंति-सामंत-मुहडविंदेहिं । बंदियणुग्घुट्ठजओ तओ पयट्टो पुरपहम्मि ॥४९६।। एत्थंतरम्मि अहिणवनरनाहपवेसहरिययियाओ । पभणंति पहिट्टाओ परोप्परं पुरपुरंधीओ॥४१७॥ अह ताण आह एक्का सकयत्था रयणमंजरी देवी । जीए ईए व दइओ संपत्ता कुसुमबाणो व्य ॥४९८॥ अह अवरा हरिणच्छी पभणइ सिरियणसारसेट्टी वि । सकयत्थो जेण हले ! जणएण व रक्खिओ कुमरो ॥४९॥ मित्ताणंदं वन्नह हले! किमन्नेण ? जंपए कावि ? । नियमित्तजीवियकए परिभमिओ जो विदेसेसु ॥५०॥ इच्चाइ हरिणनयणीपभणियवयणाई सो निसामेंतो । पविसिय नरिंदभवणं पवरे सौहासणे विसइ ।।५०१।। तो मंति-मंडलेसर-सामंतेहिं सुवन्नकलसेहिं । अहिसिंचिओ कुमारो वजिरयरतूरसद्देहिं ॥५०२॥ मित्ताणंदो मंतीपयम्मि संटाविओ तह य सेट्टी। नियजणयपए सिरिस्यगमंजरी अग्गमहिसि त्ति ॥५०३।।
१. करइ रं।