________________
THE TEXTS
प्रणिन् विग्नौघान् प्रबलरिपुभूतादिदमनैः
प्रयच्छन्नानन्दाभ्युदयमभितोऽभीष्टघटनैः ।
अपस्मारस्मेरस्मरगडुविकारज्वरमुखा
रुजोऽजर्यस्थैर्यात् प्रमथसि सपर्या प्रणयिनाम् ॥ ५ ॥
इमौ रागद्वेषौ प्रसभमनिवार्यौ भववने
प्रबाधेते व्याधाविव बहु मनो मे मृगमिव । कृपालुस्त्वं नाथस्त्रिजगदवनोपायजनक
स्तदाभ्यां नो कस्मादवसि भवदेकाश्रितमिदम् || ६॥
स्फुरन् रागश्चौरो भवजलनिधौ' द्वेषमकरो
महामोहग्राहो जनिमृतिचलद्वीचिनिचयाः । भृशं सर्वं दुःखमदमिदमभून्मे परमतो
न च त्रातर्यस्मात्तव पदयुगल्याप्यत तरी ॥ ७ ॥
स्वयं निर्मायामी भृशमशुभमर्माण्यसुमतां
तुदन्तो विद्वेष्याः सहचरणशीलाः प्रतिपदम् । यथा स्युस्ते चिन्त्या इह न हि बहिः स्थास्तदिव ते
ततस्त्वं मद्दूरीभवनमुभयेषामपि कुरु ॥ ८ ॥
त्रिलोक्यन्तस्तावच्चिरपरिचितं राज्यमजितं
जनस्वान्तास्थान्यां ननु विदधतां मोह महिमा | न यावत्सर्वान्ता रिपुकुलतरोर्मूलविभुजो
हठात्तामाक्रामत्यधिप तव निस्सीममहिमा ॥ ९॥
(1) Thus corrected on margin, substituting the original reading “भवांभोधौ रागप्रवलचरटो".
101
