________________
भवभावना
प्रकरणे
विलसता रज्जसिरिं देव इमं पच्छिमंमि उ वयंमि । त्तव्वं वयमवि दुक्करं तु इहि तयं तुम्हं ॥ रोगा वि देहधम्मो लोए साहारणो चिय समग्गो । ओसहमाई य तहिं जुजंति न रज्जसिरिचाओ ॥ इचाइ जंपमाणा भणिया सिरिचक्कवहिणा एए। एवं ठिए किमज्जवि विलसेयव्वा नरिंदसि ॥ १९०॥ पच्छिमवए य भणियं जं वयगहणं तहिं पि को नियमो ? । विलसंति जत्थ एवं रोगजरामच्चुणो बलिणो पुत्र्वं नरगाइभवे पत्ताणं णंतदुक्खलक्खाणं । का वयदुक्करया विहु सया वि दुहियाण जंतूण ? | १९२ | रोगाण य पडियारो सचं चिय ओसहाइणो किंतु । तं ओसहं विमूढा कुणंति णेगंतियं तह य ॥ जमणचंतियमेयं कुणंति न य तं मुणंति पुण एवं । पडियारों धम्मो चिय रोगाईणं जओ भणियं ॥ तं किं पि कुह सव्वायरेण तिब्वोसहं सरीरस्स । जेण जरमरणवाही पुणोऽवि देहे न संभवइ ॥ १९५॥ सोसहिंय पुणो रोगा फिहंति नेव अहवा वि । जायंति अवगया वि हु पुणोऽवि समए सकम्माणं ॥ अन्नं च पुरा पावाई देहकज्जे कयाई विविहाई । तह विहु इमस्स जाओ परिणामो एरिसो चेव ॥१९७॥ सावजेहिं सरया वि ओसहेहिं पुणोऽवि कह इहि । अन्नाई करेमि अहं तस्स वि कज्जम्मि पावाई ? | ता जो मज्झहिएसी तेण न विग्धो खणं पि कायव्वो । धीरपुरिसाणुचिन्नं मह मग्गं अणुसरंतस्स ॥ इय काऊण निरुत्तरममचसामंतपमुहपरिवारं । पुत्तं निवेसिऊणं रज्जे राहायरियपासे ॥ २००॥
सनत्'कुमारस्य वैराग्यः
प्रव्रज्याच
॥ ४७० ॥
