________________
लायन्नरूवतणुजोवणाणि खणदिट्ठनहरूवाणि । तं सोऊणं सिरिचकवट्टिणा भणियमह एवं ॥१७५॥ किं निंदह भो ! मणुयाण रूवमाई ? भणंति तो ते उ | देवाण जम्मपभिई जा पज्जंतम्मि छम्मासा ॥ ता रूवतेयजोव्वणपमुहाणि अवट्टियाणि चिट्ठति । वति ताई पायं नराण मज्झिमवयं जाव ॥१७७॥ तुम्ह पुण रूवजोव्वणसिरीइ अच्छेरयं इमं किं पि । जं दिट्ठा अम्हेहिं वि जा नट्टा सा खणेणिहि ॥ जम्हा मज्जणसमयाओ आरओ रोयसमुदएणेयं | अवहरियरूवसोहं सरीरयं तुम्ह पडिवन्नं ॥१७९॥ कह जाणह पुण तुन्भे एयं ति? तओ कहंति ते विप्पा | सक्कपसंसं सोउं देवा अम्हे इहं पत्ता ॥१८०॥ इचाइ साहिए चक्कवहिणा जाव लोइयं निययं । वच्छयलं हारजुयं सअंगयं बाहुजुयलं च ॥१८॥ तो दिलु विच्छायं अह निवेयं गओ इमो झत्ति । चिंतइ अहो असारो किह णु इमो पेच्छ संसारो ? नियसु सरीरस्स वि भंगुरत्तणं जं किरत्तिएणावि । कालेण इमं विधुरं विहियं जुगवं पिरोगे जस्स कए पावाई देहस्स इमाइं सेवए लोओ । परिणामो तस्स इमो जायइ पेच्छसु खणद्धण तो नृणमठाणे चिय पडिबंधो एस एत्थ जीवाणं मुक्खत्तणं इमोऽवि ह अहिमाणो जोव्वण तम्हा असग्गहो च्चिय परिग्गहो नूण सयलजीवाणं । उम्माओ भोगासेवणं पिइय तणुअणिच्चत्ते ॥ उचाड चिंतिऊणं वेरग्गगओ सुयस्त रजभरं। आरोवि पवत्तो भणिओ सामंतमंतीहिं ॥१८७।।
॥४६९॥
