________________
भवभावना प्रकरणे
सनत्कुमारस्य पूर्वभववर्णनम्
५
भमि नरतिरिएसं असियक्खो नाम जायए जक्खो। इय पुव्वजम्मवेरी सो संदर! अजउत्तस्स ।१३६। एवं विमलमईए सणंकुमारस्स सयलचरियम्मि । कहिए महिंदसीहस्स रइहराओ सुहपसुत्तो ॥१३७॥ उद्दइ सणंकुमारो वञ्चइ सह परियणेण वेयड्ढे । खेयरलोयाणुगओ सुरोवमे भंजए भोए ॥१३८॥ तत्तो महिंदसीहो अन्नदिणे अवसरम्मि विन्नवइ । जह कुमर ! तुम्ह विरहे कालं दुक्खेण जणयाई॥ गमयंति ता पसायं का अम्हाण सिग्घमेवेहि । गम्मउ तहिं ति विन्नत्तिवयणसमणंतरं चेवः॥१४०॥ , खेयरबलेण सयलेण परिगओ संगओ य भजाहिं। चलिओ पियराभिमुहो सह चेव महिंदसीहेणं ॥
पत्तो खणंतरेणं तत्थ समाणंदियाइं जणयाई। सयलाओ य पयाओ अह नरवइआससेणेण ॥१४२॥ सामंताइजुएणं रजे ठविओ सणंकुमारो त्ति । विहिओ महिंदसीहो सेणाणी अप्पणा य पुणो ॥१४३॥ तित्थयरधम्मतित्थे थेराण तहाविहाण पासंमि । दिक्खं पवजिऊणं संसाहइ अत्तणो अटुं ॥१४४॥ ।
पालंतस्स य रजं सणंकुमारस्स विक्कमनएहिं । उप्पन्नाइं चउदस चक्कप्पमुहाई रयणाई ॥१४५॥ ., चक्कुवदंसियमग्गो मागहतित्थाइसाहणकमेण । साहेऊणं भरहं वाससहस्साउ संपत्तो ॥१४६॥
हत्थिणउरम्मि पुणरवि इत्तो सोहम्मसुरवई कह वि । जाणेइ ओहिणा जह मह ठाणे पुवमिह एसो॥ आसि सुरिंदो तम्हा यइसणयमवेक्खिऊण मह बंधू । एसो त्ति निच्छिऊणं वेसमणमुरं समाइसइ॥
॥४६६॥
