________________
रोसारुणनयणेणं भणिओ राया इमस्स पट्टीए । थालंमि उसिणखीरं जइ भुजावेसि तो अयं ॥१२३॥ * तुज्न गिहे पारणयं करेमि नो अन्नहा तओ राया। पणभइ भुंजावेमो कस्सइ अन्नस्स पट्टीए ॥१२४ तं नेच्छह सो कहमवि आदिट्ठो पुव्वजम्मवरेणं । अणुरत्तेण निवडणा तो तब्वयणंपि पडिवन्नं ॥१२५॥ नत्तो ठवि पट्टीइ तस्स जलणुसिणपायसं थाले । भुंजइ भगवो तुट्ठो सेट्ठी वि हु भावणं परमं ।१२६। भावंतो तब्वियणं सम्म अहियासए सुहेक्कमणो । थालं सरुहिरमंसं तो तप्पट्ठीए उक्खित्तं ॥१२७॥ अह सो गेहम्मि गओ सम्माणेऊण खामिउं तह य | सयलं पि परियणं पूइऊण जिणचेइयाण तहा ।। घेत्तणं गुरुमूले दिक्खं वच्चइ गिरिस्स सिहरम्मि । पडिवजिऊण अणसणमुस्सग्गे पुञ्चदिसिहुत्तो ।१२९॥ चिठेइ अद्धमासं इय सेसासु वि दिसासु पत्तेयं । उस्सग्गमद्धमासं करेड् सञ्वे य दो मासे ॥१३०॥ । तस्साऽणसणेण ठियस्स पिविदेसम्मि गिद्धकायाई । भक्खंति सियालाई य निदयं मंसरुहिराई ।१३१॥ अहियासह य महप्पा तं वियणं सो मणम्मि भावंतो । सकयं वेएमि इमं कम्मं ति परस्स को दोसो? अहियासिऊण एवं वियणं आराहिऊण पव्वजं । सोहम्मे उपपन्नो इंदत्तेणं समाहिगओ ॥१३३। तेणाभिओगिएणं कम्मेण तिदंडिओऽवि सो मरि । तस्सेव य उपपन्नो एरावणवाहणत्तेण ॥१३४॥ आउक्खयम्मि चविउं इंदो हथिणउरम्मि नयरम्मि । जाओ सणंकुमारो तिदंडिजीवो पुणो सुइरं ॥
॥ ४६५ ॥
