________________
सिववणिओऽवि हु केणइ वच्चइ देसंतरम्मि सत्येण | चिट्ठइ अपरिचिए सव्वहा वि कत्थइ पुरे गंतुं ॥२१॥ तत्थ य साहुसयासे हिंसालियतेयमेहुणाईणं । सुणिऊण विवागं आसवाण सयमणुहवेउं च ॥२२॥ वेरग्गगओ दिक्खं गेण्हइ सम्मं तयं च पाले । वचइ कयविउलतवो वेमाणियदेवलोएस ॥२३॥
धूया वि विसन्ना तस्स चिंतए पेच्छ आगयाए मए ।
किं सो गओ अकम्हा नीहरि मह पिया एत्तो ? ॥२४॥ इय चिंतंतीए कयाइ परियणे केणई नरेण इमं । संलत्तं जह मग्गे उजेणीए ठिया अम्हे. ॥२५॥ वासारत्तं सव्वं अम्हं 'ता नीय बंधुदत्तस्स । निचं पि हु वच्चंतो गिहम्मि इञ्चाइ निसुणे ६॥२
एसा धसक्कियमणा चिंतइ हा नूण जेण सह जाओ।
मह तत्थ अणायारो सो चिय जणओ इमो मज्झ ॥२७॥ एत्तो चिय सो सहसा मज्झागमणे गओ विणिग्गंतुं । ता मज्झ कुलक्खयकारिणीइ परिभट्ठसीलाए ॥ किं जीविएण एत्तो ? इचाइ विगप्पिउं अकहिउं च । गंतूणं आरूढा मरणत्थं कत्थइ गिरिम्मि ॥२९॥ दिहा य तत्थ मुणिणो धम्म सोऊण ताण पासम्मि । पव्वजं पडिवजइ तओ पवित्तिणिसयासम्मि॥ | १. 'सामी य-जे०J मु०॥
॥३९५॥
