________________
भवभावना प्रकरणे
अथ देशविरतिचारित्रेण देवत्वप्राप्तौ श्रेष्ठिधनञ्जयाख्यानकमुच्यते
नामेण कुणाला एत्थ पुरवरी जीए पुरिसमिहुणाणं | सुरमिहुणेहिं विसेसो नयणनिमेसेण होइ फुडो ॥ १ धणओ नामेण तहिं सेट्ठी चत्तारि तस्स अंगरुहा । विणयाइगुणसमग्गो धणंजओ नाम ताण लहू ॥२॥ सोय समए कलाओ अहिजमाणो तहा कुणइ विणयं । अज्झावयस्स जह सो पेच्छइ तं निययतणयं व ॥३॥
देह तह तस्स जोइणिसाइणिभूयाइ निग्गहकरीओ । विज्जाओ अणेगाओ अहन्नया नयरमज्झम्मि ||४|| परिभमाणो एसो संपत्तो कह वि जूयसालाए । कोऊहलेण जूयं निरिक्खए जाव उद्धटिओ ॥५॥ तो सो दिट्ठो जूईरेहिं नाओ य ईसरसुओ त्ति । भणिओ य भद्द ! तुह संतियं इमो रमइ जूइयरो ॥ तुसिणीओ चिट्टे संचलिओ जा खणंतरे एसो । ता समकालं जूईयरेहिं भणियं इमं एत्थ ||७|| हारसि पंच साई दम्माणं ताण गहणयं देसु । गहियाओ कराओ मुद्दियाओ एवं भणेऊण ॥८॥ हम्म गओ तो सो पिउणा नायम्मि वइयरे बाढं । निव्भत्थिओ गहेडं वत्थाणि य खिवइ ओयरए । तत्तो वसणविरहिओ नग्गो चिंतेइ पेच्छ जो पुरिसो । नियववसायविरहिओ परिहवणीओ हवइ एवं । तावत्थं परिहिस्सं नियववसायज्जियं चिय न अन्नं । तो भाज्जायाहिं भणिओ अन्नेहिं वि सुबहुयं ।
| देश
विरति
चारित्रेण
| देवत्व
प्राप्ती
धनंजय
श्रेष्ठि
कथा
॥ २९० ॥
