________________
३
वीरवाण
मानै भाभी माहरो वायक सिर माले । बैठी रोसै बापन कर मुंडे कालै ॥
दुहा
झडपे बुकण लेवसी, दोलत दामो दाम । आसी वा भी आपने, तो सिर मुंड तमाम ॥ १२६ वीरमनै वर माळतां, मिटी अकल कसमीर । बुकणरो घर बूडसी, नदी बहते नीर ॥ १२७. गोडेमै जारै गया, धारा · जकै धणीह । वेहीज मारण उठीया, तेवर चूक तणीह ॥ १२८ सींहांनै सलषांणीयां, त्यांरी एक तरेह । .. श्रा दुअ पतीनो धरो, कुण विसवास करेह ॥ १२६ तिरिया हठ झाले तिको, मैलै नांहि परत । गम विन वाजै बेगमां; ज्यांरो नाम जगत ॥ १३० मेले जादम मोदसुं, बीरमनै नालेर ।
आप परणवा आवजो, विचै म करजो वेर । सार छतीसुं संकै, मसतक बांध्यो मोड़। वीरमदे चढीयो बिडंग, रचे चूक राठोड़ ॥ १३२
नीसांणी बुकणदे घर व्यावदां रंग राग रचांणा । चारण भाटां चोहटां गरटा दिवरांणा ॥ मन कुंता बहु मालरा लेषां लिवरांणा । बेहुं मुदाइ वादसी बे त्याग करांणा ॥ सोनारां घर सांपरत संचगर दिवरांणा । कंठीयां कड़ा मुंदड़ा घण घाट घडांणा ॥ ४८
१३१
