Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 420

३६८
सुत्तागमे
[ समवाए
पन्नत्ते, तं जहा - दुह विवागे चेव सुहविवागे चेव । तत्थ णं दस दुहविवागाणि दस सुहविवागाणि । से किं तं दुहविवागाणि ? दुहविवागेसु णं दुहविवागाणं नगराई उज्जाणाई वणखंडा रायाणो अम्मापियरो समोसरणाई धम्मायरिया धम्मकहाओ नगरगमणाईं संसारपबंधे दुहपरंपराओ य आघविज्जंति । से त्तं दुहविवागाणि । से किं तं सुहविवागाईं ? सुहविवागेसु सुहविवागाणं णगराई उज्जाणाई वणखंडा रायाणो अम्मापियरो समोसरणाई धम्मायरिया धम्मकहाओ इहलोइयपरलोइयइडिविसेसा भोगपरिचाया पव्वज्जाओ सुयपरिग्गहा तवोवहाणाई परियागा पडिमाओ संलेहगाओ भत्तपच्चक्खाणाई पाओवगमणाई देवलोगगमणाई सुकुलपच्चायाया पुण बोहिलाहा अंतकिरियाओ य आघविजंति । दुहविवागेसु णं पाणाइवाय अलियवयणचोरिककरणपरदारमेहुण ससंगयाए महतिव्वकसायइंदियप्पमायपावप्पओयअ सुहज्झवसाणसंचियाणं कम्माणं पावगाणं पावअणुभागफलविवागा णिरयगतितिरिक्खजोणि बहुविहवसणसय परंपरापबद्धाणं मणुयत्ते वि आगयाणं जहा पावकम्मसेसेण पावगा होति फलविवागा वहवसणविणासनासाकन्नुटुंगुडकरचरण नहच्छेयणजिन्भच्छेअणअंजणकडग्गिदाहंगयचलणमलणफालणउल्लंवणसूललयालउड लट्ठिभंजणतउसीसगतत्ततेल्लकलकलअहिसिंचन कुंभिपाग कंपणथिरवंधण वेहवज्झ कत्तणपतिभय करकरपल्ली- वणादिदारुणाणि दुक्खाणि अगोवमाणि । बहुविविहपरंपराणुबद्धा णमुचंति पावकम्मवल्लीए, अवेयइत्ता हु णत्थि मोक्खो तवेण धिइवणियवद्धकच्छेण सोहणं तस्स वावि हुजा । एत्तो य सुहविवागेषु णं सीलसंजमणियमगुणतवोवहाणेमु साहूसु सुविहि सु अणुकंपासयप्पओगतिकालमइविसुद्ध भत्तपाणाईं पययमणसा हियसुहनी से सतिव्वपरिणामनिच्छियमई पयच्छिऊणं पयोगसुद्धाई जह य निव्वतेति उ वोहिलाभं जह -य परित्तीकरेंति नरनरय तिरियसुरगमगविपुलपरियट्टअरतिभयविसाय सोगमिच्छत्तसेलसंकडं अन्नाणतमंधकारं चिक्खिल्लसुदुत्तारं जरमरणजोणिसंखुभियचक्कवालं सोल-सकसायसावयपयंडचंडं अणाइअं अणवदग्गं संसारसागरमिणं । जह य णिबंवंति आउगं सुरगणेसु जह य अणुभवंति सुरगणविमाणसोक्खाणि अगोवमाणि ततो य -कालंतरे चुआगं इहेव नरलोगमागयागं आउवपुपु (व) ण्णरूव जातिकुल जम्मआरोग्ग- बुद्धिमेहाविसेसा मित्तजणसयण वणवण्गविभव समिद्धसारसमुदयविसेसा बहुविहकाम भोगुब्भवाण सोक्खाण सुहविवागोत्तमेसु अणुवरयपरंपराणुवद्धा असुभाणं सुभाणं चे कम्माणं भासिआ बहुविहा विवागा विवागस्यम्मि भगवया जिगवरेण संवेगकार गत्था भन्ने विय एवमाझ्या बहुविहा वित्यरेणं अत्यपरूवणया आघविज्जति । विवा सुअरसणं परित्ता वायगा संखेज्जा अणुओगदारा जाव संखेज्जाओ संगहणीओ