________________
सुत्तागर
[ ठाणे महापउमस्स रन्नो अन्नया कयाइ दो देवा महिड्डिया जाव महेसक्खा सेणाकम्म काहिति तं० पुण्णभद्दए माणिभद्दए तए णं सयदुवारे णयरे वहवे राईसरतलबरमाडंबियकोडुंबियइब्भसेठिसेणावइसत्थवाहप्पभिइयो अन्नमन्नं सद्दावेहिंति एवं वइस्संति जम्हा णं देवाणुप्पिया! अम्हं महापउमस्स रन्नो दो देवा महिड्डिया जाव महेसक्खा सेणाकम्मं करेंति तं० पुन्नभद्दे य माणिभद्दे य तं होउ णं अम्हं देवाणुप्पिया! महापउमस्स रन्नो दोचेवि नामधेजे देवसेणे, तए णं तस्स महापउमस्स दोच्चेवि नामधेजे भविस्सइ देवसेणेति २ तए णं तस्स देवसेणस्स रण्णो अण्णया कयाइ सेयसंखतलविमलसन्निकासे चउदंते हत्थिरयणे समुप्पजिहिति तए णं से देवसेणे राया तं सेयसंखतलविमलसन्निकासं चउइंतं हत्थिरयणं दुरुढे समाणे सयदुवारं णगरंमज्झमज्झेणं अभिक्खणं २ अइजाहि य णिजाहि य, तए णं सयदुवारे णगरे वहवे राईसरतलवर जाव अन्नमन्नं सद्दावेहिंति २ एवं वइस्संति जम्हा णं देवाणुप्पिया ! अम्हं देवसेणस्स रन्नो सेयसंखतलविमलसन्निकासे चउदंते हत्थिरयणे समुप्पन्ने तं होउ णं अम्हं देवाणुप्पिया! देवसेणस्स रण्णो तच्चेवि णामधेजे विमलवाहणे तए णं तस्स देवसेणस्स रन्नो तच्चेवि णामधेजे भविस्सइ विमलवाहणे २ तए णं से विमलवाहणे राया तीसं वासाई अगारवासमज्झे वसित्ता अम्मापिईहिं देवत्तगएहिं गुरुमहत्तरएहिं अब्भणुन्नाए समाणे उर्बुमि सरए संबुद्धे अणुत्तरे मोक्खमग्गे पुणरवि लोगंतिएहिं जीयकप्पिएहिं देवेहि ताहिं इठ्ठाहिं कंताहिं पियाहिं मणुन्नाहिं मणामाहिं उरालाहिं कल्लाणाहिं धन्नाहिं सिवाहिं मंगल्लाहिं सस्सिरीआहिं वग्गूहि अभिणदिजमाणे अभियुवमाणे य बहिया सुभूमिभागे उजाणे एर्ग देवदूसमादाय मुंडे भवित्ता अगाराओ अणगारियं पव्वयाहिति तस्स णं भगवंतस्स साइरेगाई दुवालस वासाइं निच्चं वोसठुकाए चियत्तदेहे जे केई उवसग्गा उप्पज्जति तं० दिव्वा वा माणुसा वा तिरिक्खजोणिया वा ते उप्पन्ने सम्मं सहिस्सइ खमिस्सइ तितिक्खिस्सइ अहियासिस्सइ तए णं से भगवं इरियासमिए आसासमिए जाव गुत्तवंभयारी अममे अकिंचणे छिन्नगंथे निरुवलेवे कंसपाईव मुक्कतोए जहाभावणाए जाव सुहुययासणेइव तेयसा जलंते, कसे संखे जीवे गगणे वाए य सारए सलिले, पुक्खरपत्ते कुम्मे विहगे खग्गे य भारंडे (१) कुंजर वसहे सीहे नगराया चेव सागरमक्खोभे, चंदे सूरे कणगे वसुंधरा चेव सुहुयहुए (२) नत्थि णं तस्स भगवंतस्स कत्थइ पडिवंधे भवइ, से य पडिवंधे चरविहे प० तं०-अंडए वा पोय. एइ वा उग्गहेइ वा परगहिएइ वा जंणं जंणं दिसं इच्छइ तं गं तंणं दिसं अपडिबद्धे सुइभूए लहुभूए अणप्पगंथे संजमेणं अप्पाणं भावमाणे विहरिस्सइ, तस्स णं भगवंतस्स
