Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 207

२ सु० अ० २] सुत्तागमे
१५५ कालं किच्चा धरणियलमइवइत्ता अहे नरंगयलपइट्टाणे भवइ ॥२०॥६७०॥ ते णं नरगा अन्तो वट्टा बाहिं चउरंसा अहे खुरप्पसंठाणसंठिया निबन्धकारतमसा ववगयगहचन्दसूरनक्खत्तजोइंसप्पहा - मेदवसामसरुहिरपूयपडलचिक्खिल्ललित्ताणुलेवणयला असुई वीसा परमदुन्भिगन्धा कण्हा अगणिवण्णाभा कक्खडफासा दुरहियासा असुभा नरगा असुभा नरएसु वेयणाओ॥ नो चेव नरएसु नेरइया निहायन्ति वा पयलायन्ति वा सुई वा रइं वा घिई वा मइं वा उचलभन्ते । ते णं तत्य उज्जलं विउलं पगाढं कड्डयं ककसं चण्डं दुक्खं दुग्गं तिब्वं दुरहियासं नेरइया वेयणं पञ्चणुभवमाणा विहरन्ति ॥ २१ ॥६७१ ॥ से जहानामए रुक्खे सिया पव्वयग्गे जाए मूले छिन्ने अग्गे गरुए जओ निण्णं जओ विसमं जओ दुग्गं तओ पवडइ, एवामेव तहप्पगारे पुरिसजाए गम्भाओ गभं जम्माओ जम्मं माराओ मारं नरगाओ नरगं दुक्खाओ दुक्खं दाहिणगामिए नेरइए कण्हपक्खिए आगमिस्साणं दुलहबोहिए यावि भवइ । एस ठाणे अणारिए अकेवले जाव असव्वदुक्खपहीणमग्गे एगन्तमिच्छे असाहू । पढमस्स ठाणस्स अधम्मपक्खस्स विभने एवमाहिए ॥ २२ ॥ ६७२ ।। अहावरे दोच्चस्स- ठाणस्स धम्मपक्खस्स विभने एवमाहिज्जइ । इह खलु पाईणं वा ४ सन्तेगइया मणुस्सा भवन्ति । तं जहा-अणारम्भा अपरिग्गहा. धम्मिया धम्माणुगा धम्मिट्ठा जाव धम्मेणं चेव वित्तिं कप्पेमाणा विहरन्ति, मुसीला सुन्वया सुप्पडियाणन्दा सुसाहू सव्वाओ पाणाइवायाओ पडिविरया जावज्जीवाए जाव जे यावने तहप्पगारा सावजा अवोहिया कम्मन्ता परपाणपरियावणकरा कज्जन्ति तओ वि पडिविरया जावज्जीवाए ॥ से जहानामएअणगारा भगवन्तो इरियासमिया भासासमिया एसणासमिया' आयाणभण्डमत्तनिक्खेवणसमिया उच्चारपासवणखेलसिंघाणजल्लपरिट्ठावणियासमिया मणसमियो वयसमिया कायसमिया मणगुत्ता वयगुत्ता कायगुत्ता गुत्ता गुत्तिन्दिया गुत्तवम्भयारी अकोहा अमाणा अमाया अलोभा सन्ता पसन्ता उवसन्ता परिनिव्वुडा अणासवा अग्गन्था छिन्नसोया निरुवलेवा कंसपाइव्व मुक्कतोया संखो इव निरक्षणा जीव इव अपडिहयगई गगणतलं पिव निरालम्बणा वाउरिव अपडिवद्धा सारदसलिलं व सुद्धहियया पुक्खरपत्तं व निस्वलेवा कुम्मो इव गुत्तिन्दिया विहग इव विप्पमुक्का खग्गिविसाणं व एगजाया भारुण्डपक्खी व अप्पमत्ता कुञ्जरो इव सोण्डीरा वसभो इव जायत्यामा सीहो इव दुद्धरिसा मन्दरो इव अप्पकम्पा सागरो इव गम्भीरा चन्दो इव सोमलेसा सूरों इव दित्ततेया जच्चकवणगं व जायरूवा वसुंधरा इव सञ्चफासविसहा सहुययासणो विय तेयसा जलन्ता । नत्थि णं तेसिं भगवन्ताणं