Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 187

२ सु० भ०.]
सुत्तागमे
अहावरे तच्चे पुरिसजाए । अह पुरिसे पचत्थिमाओ दिसाओ आगम्म तं पुक्खरिणि तीसे पुक्खरिणीए तीरे ठिच्चा पासइ तं एगं महं पउमवरपोण्डरीयं अणुपुब्बुट्ठियं जाव पडिरूवं । ते तत्थ दोण्णि पुरिसजाए पासइ पहीणे तीरं अपत्ते पउमवरपोण्डरीयं नो हव्वाए नो पाराए जाव सेयंसि निसण्णे । तए णं से पुरिसे एवं वयासीअहो णं इमे पुरिसा अखेयन्ना अकुसला अपण्डिया अवियत्ता अमेहावी वाला नो मग्गट्ठा नो मग्गविऊ नो मग्गस्स गइपरिक्कमन्नू जंणं एए पुरिसा एवं मन्ने-अम्हे एयं पउमवरपोण्डरीयं उन्निक्खिस्सामो नो य खलु एयं पउमवरपोण्डरीयं एवं उन्निक्खेयव्वं जहा णं एए पुरिसा मन्ने। अहमंसि पुरिसे खेयन्ने कुसले पण्डिए वियत्ते मेहावी अवाले मग्गढे मग्गविऊ मग्गस्स गइपरिक्कमन्नू अहमेयं पउमवरपोण्डरीयं उन्निक्खिस्सामि त्ति कट्ठ इति वुच्चा से पुरिसे अभिक्कमे तं पुक्खरिणिं । जावं जावं च णं अभिक्कमे तावं तावं च णं महन्ते उदए महन्ते सेए जाव अन्तरा पुक्खरिणीए सेयंसि निसण्णे तचे पुरिसजाए ॥ ४॥ ६३९ ॥ अहावरे चउत्थे पुरिसजाए। अह पुरिसे उत्तराओ दिसाओ आगम्म तं पुक्खरिगिं तीसे पुक्खरिणीए तीरे ठिच्चा पासइ तं महं एग पउमवरपोण्डरीयं अणुपुन्बुट्टियं जाव पडिरूवं । ते तत्थ तिष्णि पुरिसजाए पासइ पहीणे तीरं अपत्ते जाव सेयंसि निसण्णे । तए णं से पुरिसे एवं वयासी-अहो णं इमे पुरिसा अखेयन्ना जाव नो मग्गस्स गइपरिक्कमन्नू जंणं एए पुरिसा एवं मन्ने-अम्हे एवं पउमवरपोण्डरीयं उन्निक्खिस्सामो नो य खलु एयं पउमवरपोण्डरीयं एवं उन्निक्लेयत्वं जहा णं एए पुरिसा मन्ने । अहमसि पुरिसे खेयन्ने जाव मग्गस्स गइपरिकमन्नू , अहमेयं पउमवरपोण्डरीयं एवं उन्निक्खिस्सामि त्ति कट्ठ इति वुच्चा से पुरिसे अभिक्कमे तं पुक्खरिणि । जावं जावं च णं अभिक्कमे तावं तावं च णं महन्ते उदए महन्ते सेए 'जाव निसणे चउत्थे पुरिसजाए ॥५॥ ६४० ॥ अह भिक्खू लूहे तीरट्ठी खेयन्ने जाव गइपरिक्कमन्नू अन्नयराओ दिसाओ वा अणुदिसाओ वा आगम्म तं पुक्खरिणिं तीसे पुक्खरिणीए तीरे ठिच्चा पासइ तं महं एगं पउमवरपोण्डरीयं जाव पडिरूवं । ते तत्थ चत्तारि पुरिसजाए पासइ पहीणे तीरं अपत्ते जाव पउमवरपोण्डरीयं नो हवाए नो पाराए अन्तरा पुक्खरिणीए सेयंसि निसण्णे । तए णं से भिक्खू एवं वयासी-अहोणं इमे पुरिसा अखेयन्ना जाव नो मग्गस्स गइपरिक्कमन्नू जं एए पुरिसा एवं मन्ने अम्हे एयं पउमवरपोण्डरीयं उन्निक्खिस्सामो, नों य खलु एयं पउमवरपोण्डरीयं एवं उन्निक्खेयव्वं जहा णं एए पुरिसा मन्ने । अहमंसि भिक्खू लहे तीरट्ठी खेयन्ने जाव गइपरिक्कमन्नू अहमेयं परमवरपोण्डरीयं उन्निक्खिस्सामि त्ति कडु इति वुचा से भिक्खू
पुरिसे एवं वारिसजाए पासइ पहाडमवरपोण्डरीयं अपी पुक्सरिणिं तीस