Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 186

सुत्तागसे
[ सूर्यगढ़
१३४
तस्स णं अयमठ्ठे पन्नत्ते । से जहानामए पुक्खरिणी सिया बहुउदगा बहुसेया बहुपुक्खला लट्ठा पुण्डरिकिणी पासादिया दरिसणिया अभिरुवा पडिरूवा । तीसे णं पुक्खरिणीए तत्थ तत्थ देसे देसे तहिं तहिं बहवे पउमवरपोण्डरीया वुझ्या, अणुपुव्वुट्टिया ऊसिया रुइला वण्णमन्ता गन्धमन्ता रसमन्ता फासमन्ता पासादिया दरिसणिया अभिरुवा पडिरूवा । तीसे णं पुक्खरिणीए बहुमज्झदेसभाए एगे महं पउमवरपोण्डरीए बुइए, अणुपुव्वुट्ठिए ऊसिए रुइले वण्णमन्ते गन्धमन्ते रमन्ते फाऩमन्ते पासादीए जाव पडिरूवे । सव्वावन्ति च णं तीसे पुक्खरिणीए तत्थ तत्थ देसे देसे तहिं तहिं बहवे पउमवरपोण्डरीया वुझ्या अणुपुव्वुट्टिया ऊसिया रुइला जाव पडिरूवा । सव्वावन्ति च णं तीसे णं पुक्खरिणीए बहुमज्झदेसभाए एगे महं पउमवरपोण्डरीए वुइए अणुपुव्वुट्ठिए जाव पडिरूवे ॥ १ ॥ ६३६ ॥ अह पुरिसे पुरित्यमाओ दिसाओ आगम्म तं पुक्खरिणि तीसे पुक्खरिणीए तीरे ठिच्चा पासइ तं महं एगं पउमवरपोण्डरीयं अणुपुव्वुट्ठियं ऊसियं जाव पडिरुवं । तए णं से पुरिसे एवं वयासी - अहमंसि पुरिसे खेयने कुसले पण्डिए वियत्ते मेहावी अबाले मग्गट्ठे मग्गविऊ मग्गस्स गइपरिक्कमन्नू । अहमेयं पउमवरपोण्डरीयं उन्निक्खिस्सामिति कट्टु इइ वुया से पुरिसे अभिक्कमेइ तं पुक्खरिणि । जावं जावं च णं अभिकमेइ तावं तावं च णं महन्ते उदए महन्ते सेए पहीणे तीरं अपत्ते पउमवरपोण्डरीयं नो हव्वाए नो पाराए अन्तरा पुक्खरिणीए सेयंसि निसण्णे पढमे पुरिसजाए ॥ २ ॥ ६३७ ॥ अहावरे दोच्चे पुरिसजाए । अह पुरिसे दक्खिणाओ दिसाओ आगम्म तं पुक्खरिणें तीसे पुक्खरिणीए तीरे ठिचा पासइ तं महं एवं पउमवरपोण्डरीयं अणुपुव्वुट्ठियं पासादीयं जाव पडिरुवं । तं च एत्थ एगं पुरिसजायं पासइ पहीणतीरं अपत्तपउमवरपोण्डरीयं नो हव्वाए नो पाराए अन्तरा पुक्खरिणीए सेयंसि निसणं । तए णं से पुरिसे तं पुरिसं एवं वयासी - अहो णं इमे पुरिसे अखेयन्ने अकुसले अपण्डिए अवियत्ते अमेहावी वाले नो मग्गट्ट नो मग्गविऊ नो मग्गस्स गइपरिक्कमन्नू जं णं एस पुरिसे । अहमंसि खेयने कुसले जाव पउमवरपोण्डरीयं उन्निक्खिस्सामि । नो य खलु एयं पउमवरपोण्डरीयं एवं उन्निक्खेयन्वं जहा णं एस पुरिसे मन्ने । अहमंसि पुरिसे खेयन्ने कुसले पण्डिए वियत्ते मेहावी अबाले मग्गट्ठे मग्गविऊ मग्गस्स गइपरिक्कमन्नू, अहमेयं पउमवरपोण्डरीयं उन्निक्खिस्सामि त्ति कहु इइ बुया से पुरिसे अभिक्कमे तं पुक्खरिणि । जावं जावं च णं अभिक्कमेइ तावं तावं चणं महन्ते उदए महन्ते सेए पहीणे तीरं अपत्ते पउमवरपोण्डरीयं नो हव्वाए नो पाराए अन्तरा पुक्खरिणीए सेयंसि निसणे दोचे पुरिसजाए ॥ ३ ॥ ६३८ ॥