Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 182

सुत्तागमे
[सूयगढ़
आजीवगं चेव चउत्थमाहु से पण्डिए उत्तमपोग्गले से ॥ १५ ॥ ५७१ ॥ मया एयाइँ विगिच्च धीरा न ताणि सेवन्ति सुधीरधम्मा । ते सव्वगोत्तावगया महेसी उच्चं अगोत्तं च गतिं वयन्ति ॥ १६ ॥ ५७२ ॥ भिक्खू मुयच्चे तह दिधम्मे गामं च नगरं च अणुप्पविस्सा । से एसणं जाणमणेसणं च अन्नस्स पाणस्स अणाणुगिद्धे ॥ १७ ॥ ५७३ ॥ अरइं रइंच अभिभूय भिक्खू वहूजणे वा तह एगचारी । एगन्तमोणेण वियागरेजा एगस्स जन्तो गइरागई य ॥ १८ ॥ ॥ ५७४ ॥ सयं समेचा अदुवा वि सोचा भासेज धम्म हिययं पयाणं । जे गरहिया सणियाणप्पओगा न ताणि सेवन्ति सुधीरधम्मा ॥ १९ ॥ ५७५ ॥ केसिंचि तक्काइ अबुज्झ भावं खुई पि गच्छेज असद्दहाणे । आउस्स कालाइयारं वघाए लद्धाणुमाणे य परेसु अढे ॥ २० ॥ ५७६ ॥ कम्मं च छन्दं च विगिच्च धीरे विणइज ऊ सव्वउ आयभावं । रूवेहि लुप्पन्ति भयावहेहिं विजं गहाया तसथावरेहिं ॥ २१ ॥ ५७७ ॥ न पूयणं चेव सिलोयकामी पियमप्पियं कस्सइ नो करेजा । सव्वे अणडे परिवजयन्ते अणाउले या अकसाइ भिक्खू ॥ २२ ॥ ॥ ५७८ ॥ आहत्तहीयं समुपेहमाणे सव्वेहिं पाणेहिं निहाय दण्डं । नो जीवियं नो मरणाहिकंखी परिव्वएजा वलया विमुक्ने ॥ २३ ॥ ५७९ ॥त्ति बेमि ॥ आहत्तहीयज्झयणं तेरहमं॥
मान्यज्झयणे चोदहमे गन्थं विहाय इह सिक्खमाणो उहाय सुबम्भचेरं वसेजा। ओवायकारी विणयं सुसिक्खे जे छेय से विप्पसायं न कुजा ॥ १॥ ५८० ॥ जहा दियापोयमपत्तजायं सावासगा पवित्रं मन्नमाणं । तमचाइयं तरुणमपत्तजायं ढंकाइ अव्वत्तगमं हरेजा ॥२॥ ५८१॥ एवं तु सेहं पि अपुट्ठधम्मं निस्सारियं त्रुसिमं मन्नमाणा । दियस्स छायं व अपत्तजायं हरिंसु णं पावधम्मा अणेगे ॥३॥ ५८२ ॥ ओसाणमिच्छे मणुए समाहिं अणोसिए णन्तकरि ति नच्चा। ओभासमाणे दवियस्स वित्तं न निकसे बहिया आसुपन्नो ॥ ४ ॥ ५८३ ॥ जे ठाणओ य सयणासणे य परक्कमे यावि सुसाहुजुत्ते । समिईसु गुत्तीसु य आयपन्ने वियागरिं ते य पुढो वएजा ॥५॥५८४॥ सद्दाणि सोचा अदु भेरवाणि अणासवे तेसु परिव्वएजा। निदं च भिक्खू न पमाय कुज्जा कहकहं वा वितिगिच्छतिण्णे ॥ ६ ॥ ५८५ ॥ डहरेण वुद्वेणऽणुसासिए उ राइणिएगावि समन्वएणं । सम्मं तयं थिरओ नाभिगच्छे निजन्तए वावि अपारए से ॥ ७ ॥ ५८६ ॥ विउट्ठिएणं समयाणुसिढे डहरेण वुढेण उ चोइए य । अचुट्टि