Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 176

१२४
सुत्तागसे
[सूयगई
अन्नपाणं तहाविहं । अणुप्पयाणमन्नेसि तं विजं परिजाणिया ॥ २३ ॥ ४५९ ॥ एवं उदाहु निग्गन्थे महावीरे महामुणी। अणन्तनाणदंसी से धम्म, देसितवं सुयं ॥ २४ ॥ ४६० ॥ भासमाणो न भासेजा नेव वम्फेज मम्मयं । माइट्टाणं विवजेजा अणुचिन्तिय वियागरे ॥ २५ ॥ ४६१ ॥ तत्थिमा तइया भासा जं वइत्ताणुतप्पई । जं छन्नं तं न वत्तव्वं एसा आणा नियण्ठिया ॥ २६ ॥ ४६२ ।। होलावायं सहीवायं गोयावायं च नो वए । तुमं तुमं ति अमणुन्नं सव्वसो तं न वत्तए ॥ २७ ॥ ४६३ ॥ अकुसीले सया भिक्खू नेव संसग्गिय भए । सुहरूवा तत्युवस्सग्गा पडिवुज्झेज ते विऊ ॥ २८ ॥ ४६४ ॥ नन्नत्थ अन्तराएणं परगेहे न निसीयए । गामकुमारियं किडं नाइवेलं हसे मुणी ॥ २९ ॥ ४६५ ॥ अणुस्सुओ उरालेसु जयमाणो परिव्वए । चरियाए अप्पमत्तो पुट्ठो तत्थ हियासए ॥ ३० ॥ ॥ ४६६ ॥ हम्ममागो न कुप्पेज बुच्चमागो न संजले । सुमणे अहियासेज्जा न य कोलाहलं करे ॥ ३१ ॥ ४६७ ॥ लद्धे कामे न पत्थेजा विवेगे एवमाहिए । आयरियाई सिक्खेजा गुरूणं अन्तिए सया ॥ ३२ ॥ ४६८ ॥ सुस्सूसमाणो उवासेज्जा सुप्पन्नं सुतवस्सियं । वीरा जे अत्तपन्नेसी धिइमन्ता जिइन्दिया ॥ ३३ ॥ ॥ ४६९ ॥ गिहे दीवमपासन्ता पुरिसादाणिया नरा । ते वीरा बन्धणुम्मुक्का नावकंखन्ति जीवियं ॥ ३४ ॥ ४७० ॥ अगिद्धे सद्दफासेसु आरम्भेसु अनिस्सिए । सव्वं तं समयातीयं जमेयं लवियं बह ॥ ३५ ॥ ४७१ ॥ अइमाणं च मायं च तं परिन्नाय पण्डिए । गारवाणि य सव्वाणि निव्वाणं संधए मुणि ॥ ३६ ॥ ४७२ ॥ त्ति बेमि ॥ धम्मज्झयणं नवमं ॥
+
समाहियज्झयणे दसमे आघं मईमं अणुवीइ धम्म अङ्ग् समाहिं तमिमं सुणेह । अपडिन्न भिक्खू उ समाहिपत्ते अणियाण भूएसु परिव्वएज्जा ॥१॥ ४७३ ॥ उर्दू अहे यं तिरिय दिमामु तसा य जे थावर जे य पाणा। हत्थेहि पाएहि य संजमित्ता अदिन्नमन्नेसु य नो गहेज्जा ॥ २ ॥ ४७४ ॥ सुयक्खायधम्मे वितिगिच्छतिण्णे लाढे चरे आयतुले पयासु । आयं न कुजा इह जीवियट्ठी चयं न कुजा सुतवस्सि भिक्खू ॥३॥ ॥ ४७५ ॥ सव्विन्दियाभिनिव्वुडे पयासु चरे मुणी सव्वउ विप्पमुक्के । पासाहि पाणे य पुढो वि सत्ते दुक्खेण अट्टे परितप्पमाणे ॥ ४ ॥ ४७६ ॥ एएसु बाले य पाबमाणे आवट्टई कम्ममु पावएसु । अइवायओ कीरइ पावकम्मं निउञ्जमाणे उ करेड कमां ॥५॥ ४७७ ॥ आदीणवित्ती व करेइ पावं मन्ता उ एगन्तसमाहिमाह, । बुद्धे समाहीय रए विवेगे पाणाइवाया विरए ठियप्पा ॥६॥ ४७८ ॥