Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1110

सुत्तागमे
१०५८
[णायाधम्मकहाओ कंत जाव मा फुसंतु एयपि [य] णं चरिमेहिं ऊसासेहिं वोसिरामि-त्तिक? । तए ण से ददुरे कालमासे कालं किच्चा जाव सोहम्मे कप्पे दद्दुरवडिसए (विमाणे) उववायसभाए दुरदेवत्ताए उववने । एवं खलु गोयमा ! दद्दुरेणं सा दिव्वा देविट्ठी लद्धा ३ । दुरस्स णं भंते ! देवस्स केव(ति)इयं कालं ठिई पन्नत्ता ? गोयमा ! चत्तारि पलिओवमाई ठिई पन्नत्ता। [ददुरे णं भंते ! देवे ताओ देवलोगाओ आउक्खएणं ठिइक्खएणं कहिं गच्छिहिइ कहिं उववजिहिइ ? गोयमा !] से णं दद्दुरे देवे (0) महाविदेहे वासे सिज्झिहिइ बुज्झिहिइ [मुचिहिइ] जाव अंतं करेहिइ । एवं खलु [जंवू !] समणेणं भगवया महावीरेणं जाव संपत्तेणं तेरसमस्स नायज्झ. यणस्स अयमढे पन्नत्ते त्ति बेमि ॥ १०१॥ गाहाउ-संपन्नगुणो वि जओ सुसाहसंसग्गिवजिओ पायं । पावइ गुणपरिहाणि ददुरजीवोव्व मणियारो ॥१॥ तित्थयरवंदणत्यं चलिओ भावेण पावए सग्गं । जह ददुरदेवेणं पत्तं वेमाणियसुरत्तं ॥२॥ तेरसमं नायज्झयणं समत्तं ॥ ___ जइ णं भंते ! समणेणं जाव संपत्तेणं तेरसमस्स नायज्झयणस्स अयमढे पन्नत्ते चोद्दसमस्स (०) के अढे पन्नत्ते ? एवं खलु जंबू ! तेणं कालेणं तेणं समएणं तेयलिपु(रे)रं ना(म)म नय(रे)रं (होत्था) । (त० णं ते० ब० उ० दि० एत्थ णं) पमयवणे (णाम) उजाणे (होत्था) । (तत्थ णं ते० णयरे) कणगरहे (णाम) राया (होत्या)। तस्स णं कणगरहस्स (रण्णो) पउमावई (णाम) देवी (होत्था)। तस्स णं कणगरहस्स रन्नो तेयलिपुत्ते नामं अमच्चे (होत्था) साम(दाम)दंडभेय(दंडे)निउणे । तत्थ णं तेयलिपुरे कलादे नामं मूसियारदारए होत्था अड्ढे जाव अपरिभूए । तस्स णं भद्दा नामं भारिया (होत्था)। तस्स णं कलायस्स मूसियारदार(योगस्स धूया भद्दाए अत्तया पोटिला नामं दारिया होत्था रूवेण य (जोव्वणेण य ला०) जाव उकिट्ठा उक्किसरीरा। तए णं [सा] पोटिला दारिया अन्नया कयाइ व्हाया सव्वालंकारविभूसिया चेडियाचक्कवालसंपरिखुडा उप्पि पासायवरगया आगासतलगंसि कणग(मएणं)तिंदूसएणं कीलमाणी २ विहरइ । इमं च णं तेयलिपुत्ते अमचे पहाए आसखंधवरगए महया भडचडगर[0] आसवाहणियाए निजायमाणे कलायस्स मूसियारदारगस्स गिहस्स अदूरसामंतेणं वीईवयइ । तए णं से तेयलिपुत्ते [अमचे मूसियारदारगगिहस्स अदूरसामंतेणं वीईवयमाणे २ पोट्टिलं दारियं उप्पि (पासायवरगयं) आगासतलगंसि कणगतिंदूसएणं कीलमाणी पासइ २ त्ता पोट्टिलाए दारियाए स्वे य (३) जाव अज्झोववन्ने कोडंवियपुरिसे सद्दावेइ २ त्ता एवं वयासी-एस णं देवाणुप्पिया! कस्स दारिया किनामज्जा [वा] ?। तए ण