Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1101

सु० १० १२] सुत्तागमे
२०४९ जायविम्हए ते वहवे ईसर जाव पभिईए एवं वयासी-अहो णं टेवाणुप्पिया ! इमे मणुन्ने असणं ४ वण्णेणं उववेए जाव फासेणं उववेए अस्सायणिजे वि(स)सायणिजे' पीणणिजे दीवणिजे दप्पणिजे मयणिज्जे विहणिजे सव्विदियगायपल्हायणिज्जे । तए णं ते वहवे ईसर जाव पभियओ जियसत्तुं एवं वयासी-तहेव णं सामी! जण्णं तुम्भे वयह-अहो णं इमे मणुन्ने अस(ण)णे ४ वण्णेणं उववेए जाव पल्हायणिजे । तए णं जियसत्त सुबुद्धिं अमचं एवं वयासी-अहो णं सुवुद्धी ! इमे मणुन्ने असणे ४ जाव पल्हायणिज्जे । तए णं सुबुद्धी जियसत्तुस्स [रन्नो] एयमढे नो आढाइ जाव तुसिणीए संचिट्टइ। [तएणं जियसत्तू सुबुद्धिं दोचंपि तच्चपि एवं वयासी-अहो णं सुबुद्धी ! इमे मणुने तं चेव जाव पल्हायणिजे ।] तए णं (जियसत्तुणा) से सुबुद्धी [अमच्चे ] दोचंपि तच्चपि एवं वुत्ते समाणे जियसत्तुं राय एवं वयासी-नो खलु सामी ! अ(ह)म्हं एयंसि मणुन्नंसि असणंसि ४ केइ विम्हए। एवं खलु सामी ! सु(भि)रभिसदा वि पो(पु)ग्गला दुरभिसद्दत्ताए परिणमंति दुरभिसहा वि पोग्गला मुरभिसद्दत्ताए परिणमंति । सुरुवा वि पोग्गला दुरूवत्ताए परिणमंति दुरूवा वि पोग्गला सुरूवत्ताए परिणमंति। सुरभिगंधा वि पोग्गला दुरभिगंधत्ताए परिणमंति दुरभिगंधा वि पोग्गला सुरभिगंधत्ताए परिणमंति । सुरसा वि पोग्गला दुरसत्ताए परिणमंति दुरसा वि पोग्गला सुरसत्ताए परिणमंति। सुहफासा वि पोग्गला दुहफासत्ताए परिणमंति दुहफासा वि पोग्गला सुहफासत्ताए परिणमति । पओगवीससा-परिणया वि य णं सामी ! पोग्गला पन्नत्ता । तए ण(से)जियसत्तू मुवुद्धिस्स अमचस्स एवमाइक्खमाणस्स ४ एयमद्वं नो आढाइ नो परियाणइ तुसिणीए संचिठ्ठइ । तए णं से जियसत्तू अन्नया कयाइ हाए आसखंधवरगए महया-भडचडगर(ह)आसवाहणियाए निज्जायमाणे तस्स फरिहोद(ग)यस्स अदूरसामंतेणं वीईवयइ । तए णं जियसत्तू (राया) तस्स फरिहोदगस्स असुभेणं गंधेणं अभिभूए समाणे सएणं उत्तरिज(गे)एणं आसगं पिहेइ एगंतं अवक्कमइ (ते) २ त्ता वहवे ईसर जाव पभिइओ एवं वयासी-अहो णं देवाणुप्पिया! इमे फरिहोदए अमणुन्ने वण्णेणं ४ से जहानामए अहिमडेड वा जाव अमणामतराए चेव । तए णं ते वहवे राईसर जाव पभियओ एवं वयासी-तहेव णं तं सामी ! जंणं तुम्भे एवं वयह-अहो णं इमे फरिहोदए अमणुन्ने वण्णेणं ४ से जहानामए अहिमडेइ वा जाव अमणामतराए चेव । तए णं से जियसत्त सुबुद्धिं अमनं एवं वयासी-अहो णं सुवुद्धी ! इमे फरिहोदए अमणुन्ने वण्णेणं ४ से जहानामए अहिमडेइ वा जाव अमणामतराए चेव । तए [से]सुबुद्धी अमचे जाव तुतिणीए संचिट्ठइ । तए णं से जियसत्त राया सुबुद्धि अमचं दोचपि तगंपि एवं वयात्री