Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1074

१०२२
सुत्तागमे
[णायाधम्मकहाओ
वयासी-एवं खलु सामी! अम्हे इहेव चपाए नयरीए अरहन्नगपामोक्खा वहवे संजत्तगानावावाणियगा परिवसामो। तए णं अम्हे अन्नया कयाइ गणिमं च ४ तहेव अहीण(म)अइरित्तं जाव कुंभगस्स रन्नो उवणेमो। तए णं से कुंभए मल्लीए २ तं दिव्वं कुंडलजुयलं पिणद्धेइ २ त्ता पडिविसज्जेइ । तं एस णं सामी ! अम्हेहिं कुंभ[ग]रायभवणसि मल्ली २ अच्छेरए दिढे । तं नो खलु अन्ना कावि तारिसिया देवकन्ना वा जाव जारिसिया णं मल्ली २ । तए णं चंदच्छाए(ते)अरहन्नगपामोक्खे सक्कारेइ सम्माणेइ स० २ त्ता [उस्सुकं वियरइ] पडिविसज्जेइ । तए णं चंदच्छाए वाणियगजणियहासे दूयं सदावेइ जाव जइ वि य णं सा सयं रजसुक्का । तए णं से दूए हट्ठ जाव पहारेत्य गमणाए (२) ॥ ७७ ॥ तेणं कालेणं तेणं समएणं कुणाला नाम जणवए होत्था । तत्थ णं सावत्थी नामं नयरी होत्था । तत्थ णं रुप्पी कुणालाहिवई नाम राया होत्था । तस्स णं रुप्पिस्स धूया धारिणीए देवीए अत्तया सुवा(हु)ह नामं दारिया होत्था सुकुमाल जाव रूवेण य जोव्वणे(णं)ण य लावण्णेण य उकिट्ठा उक्लिहसरीरा जाया यावि होत्था। तीसे णं सुवाहूए दारियाए अन्नया चाउम्मासियमज्जणए जाए यावि होत्था । तए णं से रुप्पी कुणालाहिवई सुबाहुए दारियाए चाउम्मासियमजणयं उवट्ठियं जाणइ २ त्ता कोडंबियपुरिसे सद्दावेइ २ त्ता एवं वयासी-एवं खलु देवाणुप्पिया । सुवाह(ए)दारियाए कळं चाउम्मासियमजणए भविस्सइ । तं(कल्लं)तुव्भे णं रायमग्गमोगाढंसि(चउक्नसि)मंडवंसि जलथलयदसद्धवण्णमल्लं साह(रे)रह जाव सिरिदामग(डे)डं ओलइंति । तए णं से रुप्पी कुणालाहिवई सुवण्णगारसेणिं सहावेइ २ त्ता एवं वयासी-खिप्पामेव भो देवाणुप्पिया ! रायमग्गमोगाढंसि पुप्फमंडवंसि नाणाविहपंचवण्णेहिं तंदुलेहि नयरं आलिहह तस्स बहुमज्झदेसभाए पट्टयं रएह जाव पञ्चप्पिणति । तए णं से रुप्पी कुणालाहिवई हत्थिखंधवरगए चाउरंगिणीए सेणाए महया भडचडगर जाव अंतेउरपरियालसंपरिवुडे सुवाहुं दारियं पुरओ कदु जेणेव रायमग्गे जेणेव पुप्फमंडवे तेणेव उवागच्छइ २ त्ता हत्यिखंधाओ पञ्चोरुहइ २ त्ता पुप्फमंड(वं)वे अणुप्पविसइ २ त्ता सीहासणवरगए पुरत्थाभिमुहे सन्निसण्णे। तए णं ताओ अंतेउरियाओ सुवाहुं दारियं पट्टयंसि दुसहेंति २ ता से(य)यापीयएहिं कलसेहिं पहाणेति २ त्ता सव्वालंकारविभूसियं करेंति २ त्ता पिउणो पा(यं)यवंदि(5)यं उवणेति । तए णं सुवाहू दारिया जेणेव रुप्पी राया तेणेव उवागच्छइ २ त्ता पायग्गहणं करेइ । तए णं से रुप्पी राया मुवाहुं दारियं 'अंके निवेसेइ २ त्ता सुवाहु(ए)दारियाए रूवेण य जोव्वणेण य लावण्णेण य (जाव विम्हिए) जायविम्हए वरिसधरं सद्दावेइ २ त्ता एवं वयासी-तुम