Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1070

१०१८
सुत्तागमे
[णायाधम्मकहाओ
गंभीरए पोयपट्टणे तेणेव उवागच्छंति २ त्ता सगडीसागडियं मोयंति २ त्ता पोयवहणं सज्जेंति २ त्ता गणिमस्स(य) जाव चउविह(स्स)भंडगस्स भरेंति तंदुलाण य समियस्स य तेल्लस्स य घयस्स य गुलस्स य गोरसस्स य उदगस्स य उदयभायणाण य ओसहाण य भेसज्जाण य तणस्स य कट्ठस्स य आवरणाण य पहरणाण य अन्नसिं च बहूणं पोयवहणपाउग्गाणं दव्वाणं पोयवहणं भरेंति (२ त्ता) सोहणंसि तिहिकरण. नक्खत्तमुत्तसि विउलं असणं ४ उवक्खडावेंति २ त्ता मित्तनाइ० आपुच्छंति २ त्ता जेणेव पोयट्ठाणे तेणेव उवागच्छंति । तए णं तेसिं अरहन्नग जाव वाणियगाणं परियणो जाव ता(रिसे)हिं इट्टाहिं जाव वग्गूहि अभिनंदंता य अभिसंथुणमाणा य एवं वयासी-अज ! ताय ! भाय ! माउल ! भाइणेज ! भगवया समुद्देणं अभिरक्खिजमाणा २ चिरं जीवह भदं च मे पुणरवि लढे कयकज्जे अणहसमग्गे नियगं घरं हव्वमागए पासामो-त्तिकटु ताहिं सोमाहिं निद्धाहिं दीहाहि सप्पिवासाहिं पप्पुयाहिं दिट्ठीहिं नि(री)रिक्खमाणा मुहुत्तमेत्तं संचिट्ठति । तओ समाणिएसु पुप्फवलिकम्मेसु दिन्नेसु सरसरत्तचंदणदद्दरपंचंगुलितलेसु अणुक्खित्तसि धूवंसि पूइएसु समुद्द वाएसु संसारियासु वलयबाहासु ऊसिएसु सिएसु झयग्गेसु पड्डुप्पवाइएसु तूरेसु जइएसु सव्वसउणेसु गहिएसु रायवरसासणेसु महया उक्किट्ठसीहनाय जाव रवेणं पक्खुभियमहासमुद्दरवभूयंपिव मेइणिं करेमाणा एगदिसिं जाव वाणियगा ना(वं)वाए दुरूढा । -तओ पुस्समाणवो वकमुदाहु-हं भो! सव्वेसिमवि अत्थसिद्धी उवट्ठियाइं कल्लाणाई पडिहयाइं सव्वपावाइं जुत्तो पूसो विजओ मुहुत्तो अयं देसकालो । तओ पुस्समाणएणं व(के)कमुदा(हि)हरिए हद्वतुढे कुच्छिधारकण्णधारगब्भि(ज)जसंजत्तानावावाणियगा वावारिंसु तं नावं पुण्णुच्छंगं पुण्णमुहि वंधणेहिंतो मुंचंति । तए णं सा नावा विमुक्कबंधणा पवणबलसमाहया ऊसि(उस्सि)यसिया विततपं(पक)खा इव गह(ड)लजुवई गंगासलिलतिक्खसोयवेगेहिं संखुब्भमाणी २ उम्मीतरंगमालासहस्साइं समइच्छमाणी २ कइवएहिं अहोरत्तेहिं लवणसमुई अणेगाइं जोयणसयाई ओगाढा। तए णं तेसिं अरहन्नगपामोक्खाणं संजत्तानावावाणियगाणं लवणसमुह अणेगाई जोयणसयाई ओगाढाणं समाणाणं बहूई उप्पाइयसयाइं पाउन्भूयाइं तंजहा-अकाले गज्जिए अकाले विजुए अकाले थणियसद्दे अभिक्खणं २ आगासे देवयाओ नचंति एगं च णं महं पिसायरूवं पासंति तालजंघं दिवं-गयाहिं बाहाहिं मसिमूसगमहिसकालगं भरियमेहवण्ण लंवोढं निग्गयग्गदंतं निल्लालियजमलजुयलजीहं आऊसियवयणगंडदेसं चीणचि(पिट)मिढनासियं विगयभुग्गभग्गभुमयं खज्जोयगदित्तचक्खुरागं उत्तासणगं विसालवच्छं विसालकुच्छि पलंबकुच्छि पहसियपयलियपयडियगत्तं पण