Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1048

९९६
सुत्तागमे
[णायाधम्मकहाओ
२ उग्घोसणं करेह-एवं खलु देवाणुपिया! थावच्चापुत्ते संसारभउद्विग्गे भीए जम्मणमरणाणं इच्छइ अरहओ अरिहनेमिस्स अंतिए मुंडे भवित्ता पव्वइत्तए, तं जो खलु देवाणुप्पिया ! राया वा जुवराया वा देवी वा कुमारे वा ईसरे वा तलवरे वा कोडुवियमाडंवियइन्भसेद्विसेणावइसत्यवाहे वा थावचापुत्तं पव्वयतमणुपव्वयइ तस्स ण कण्हे वासुदेवे अणुजाणइ पच्छाउरस्स वि य से मिननाइनियगसंबंधिपरिजणस्स जोग(खे क्खेम वट्टमाणं पडिवहइ-त्तिकट्ठ घोसणं घोसेह जीव घोसति । तए णं थावच्चापुत्तस्स अणुराएणं पुरिससहस्सं निक्खमणाभिमुहं ण्हायं सव्वा लंकारविभूसियं पत्तेयं २ पुरिससहस्सवाहिणीसु सिवियातु दुरूढं समाणं मित्तनाइपरिवुडं थादचापुत्तस्स अंतियं पाउन्भूयं । तए णं से कण्हे वासुदेवे पुरिससहस्तं अंतियं पाउन्भवमाणं पासइ २त्ता कोडंवियपुरिसे सहावेइ २ त्ता एवं क्यासी-जहा मेहस्स निक्खमणाभिसेओ तहेव सेयापीएहिं कलसेहिं पहावेइ जाव अरहओ अरिठ्ठनेमिस्स छत्ताइच्छत्तं पडागाइपडागं पास (न्ति)इ २ त्ता विजाहरचारणे जाव पासित्ता सी(सिवि) याओ पच्चोरुहइ । तए णं से कण्हे वासुदेवे थावच्चापुत्तं पुरओ काउं जेणेव अ(रि)रहा अरिट्ठनेमी सव्वं तं चेव जाव आभर(णमल्लालंकार)णं ओमुयइ । तए गं सा थावचा गाहावइणी हंसलक्खणेणं पड(ग)साडएणं आभरणमल्लालंका(रे)रं पडिच्छइ हारवारिधा(र)राछिन्नमुत्तावलिप्पगासाइं अंसूणि विणि (म)मुंचमाणी २ एवं वयासी-जइयव्वं जाया ! घडियव्वं जाया! प(रि)रक्कमियव्वं जाया ! अस्सि च णं अढे नो पमाएयव्वं । जामेव दिसिं पाउभूया तामेव दिसिं पडिगया। तए णं से थावच्चापुत्ते पुरिससहस्से (हिं)णं सद्धि सयमेव पंचमुहियं लोयं करेइ जाव पव्वइए । तए णं से थावचापुत्ते अणगारे जाए इरियासमिए भासासमिए जाव विहरइ । तए णं से थावच्चापुत्ते अरहओ अरिहनेमिस्स तहारूवागं थेराणं अंतिए सामाइयमाझ्याई (इकारस अंगाई) चोदसपुव्वाइं अहिज्जइ २ त्ता वहहिं जाव चउत्येणं विहरइ । तए ण अ(रि)रहा अरिहनेमी थावच्चापुत्तस्स अणगारस्स तं इभाइयं अणगारसहस्स सीसत्ताए दलयइ । तए णं से थावच्चापुत्ते अन्नया कयाई अरहं अरिहनेमि वंदइ नमसइ वं० २ त्ता एवं वयासी-इच्छामि णं भंते! तुमहिं अव्भणुन्नाए समाणे अणगारसहस्सेणं सद्धिं वहिया जणवयविहारं विहरित्तए । अहासुहं देवाणुप्पिया !! तए णं से यावच्चापुत्ते अणगारसहस्सेणं सद्धिं तेणं उरालेणं उ(द)ग्गेणं पयत्तेणं पग्गहिएणं वहिया जणवयविहारं विहरइ ॥६१॥ तेणं कालेणं तेण समएणं सेलगपुर नाम नग(र)रे होत्या । सुभूमिभागे उजाणे । सेलए राया पउमावई देवी मंडुए कुमारे जुवराया । तस्स णं सेलगस्स पथगपामोक्खा (ग) पंच मंतिसया