Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1032

९८०
सुत्तागमे
[णायाधम्मकहामो
२ ता लोमहत्थगं परामुसइ २ त्ता नागपडिमाओ य जाव वेसमणपडिमाओ य लोमहत्थेणं पमज्जइ उदगधाराए अब्भुक्खेइ २ त्ता पम्हलसुकुमालाए गंधकासा(ई)इए गायाई लहेइ २ त्ता महरिहं वत्थारुहणं च मल्लारुहणं च गंधारुहणं च चुण्णाहणं च वण्णाहणं च करेइ २ त्ता (जाव) धूवं डहइ २ त्ता जन्नुपायपडिया पंजलिउडा एवं वयासी-जइ णं अहं दारगं वा दारियं वा प(या)यामि तो णं अहं जायं च जाव अणुववेमि त्तिक उवाइयं करेइ २ त्ता जेणेव पोक्खरिणी तेणेव उवागच्छइ २ त्ता विपुलं असणं ४ आसाएमाणी जाव विहरइ जिमि(या)य जाव सुइभूया जेणेव सए गिहे तेणेव उवागया। अदुत्तरं च णं भद्दा सत्यवाही चाउद्दसट्टमुद्दिद्वपुण्णमासिणीसु विपुलं असणं ४ उवक्खडेइ २ त्ता वहवे नागा (यणे) य जाव वेसमणा य उवायमाणी नमसमाणी जाव एवं च णं विहरइ ॥ ४२ ॥ तए णं सा भद्दा सत्यवाही अन्नया कयाइ केणइ कालंतरेणं आवन्नसत्ता जाया यावि होत्था। तएणं तीसे भद्दाए सत्यवाहीए दोसु मासेसु वीइक्कतेसु त(इ)ईए मासे वट्टमाणे इमेयासवे दोहले पाउन्भूए-धन्नाओ णं ताओ अम्मयाओ जाव कयलक्खणाओ (ण) ताओ अम्मयाओ जाओ णं विउलं असणं ४ सुवहुयं पुष्फ(वत्थ)गंधमल्लालंकारं गहाय मित्तनाइनियगसयणसंबंधिपरियणमहिलियाहि य सद्धिं संपरिखुडाओ रायगिहं नयरं मझंमज्झेणं निग्गच्छंति २त्ता जेणेव पुक्खरिणी तेणेव उवागच्छंति २ त्ता पोक्खरिणीं ओगाहेति २ त्ता ण्हायाओ सव्वालंकारविभूसियाओ विपुलं असणं ४ आसाएमाणीओ जाव पडिभुजेमाणीओ दोहलं विणेति । एवं संपेहेइ २ त्ता कलं जाव जलते जेणेव धण्णे सत्यवाहे तेणेव उवागच्छइ २ त्ता धणं सत्थवाहं एवं वयासी-एवं खलु देवाणुप्पिया! मम तस्स गब्भस्स जाव विणेंति, तं इच्छामि गं देवाणुप्पिया! तुन्भेहि अन्भणुन्नाया समाणी जाव विहरित्तए । अहासुहं देवाणुप्पि(ए)या । मा पडिवंधं करेह । तए णं सा भद्दा सत्यवाही धण्णेणं सत्थवाहेणं अव्भणुन्नाया समाणी ह(तु हा जाव विपुलं असणं ४ जाव ण्हाया उल्लपडसाडगा जेणेव नागघरए जाव धूवं ड(द)हइ २ त्ता पणामं करेइ २ त्ता जेणेव पोक्खरिणी तेणेव उवागच्छइ । तए णं ताओ मित्तनाइ जाव नगरमहिलाओ भई सत्थवाहिं सव्वालंकारविभूसियं करेंति । तए णं सा भद्दा सत्यवाही ताहि मित्तनाइनियगसयणसंबंधिपरिजणनगरमहिलियाहिं सद्धिं तं विपुलं असणं ४ जाव परि (ज)जेमाणी (य) दोहलं विणेइ २ त्ता जामेव दिसिं पाउन्भूया तामेव दिसिं पडिगया । तए णं सा भद्दा सत्थवाही संपुण्ण(डो)दोहला जाव तं गन्भं सुहंसुहेणं परिवहइ । तए णं सा भद्दा सत्यवाही नवण्हं मासाणं वहुपडिपुण्णाणं अट्ठमाण य राइंदियाणं सुकुमालपाणिपायं जाव दारगं पयाया। तए णं तस्स