Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1033

सु० अ०२] सुत्तागमे
९८१ दारगस्स अम्मापियरो पढमे दिवसे जायकम्मं करेंति २ त्ता तहेव जाव विपुलं असणं ४ उवक्खडावेंति २ त्ता तहेव मित्तनाइनियग० भोयावेत्ता अयमेयारूवं गोणं गुणनिप्फन्नं नामधेनं करेंति-जम्हा णं अम्हं इमे दारए बहूणं नागपडिमाण य जाव वेसमणपडिमाण य उवाइयलद्धे (णं) तं होउ णं अम्हं इमे दारए देवदिने नामेणं । तए णं तस्स दारगस्स अम्मापियरो नामधेज करेंति देवदिन्नेत्ति । तए णं तस्स दारगस्स अम्मापियरो जायं च दायं च भायं च अक्खयनिहिं च अणुवड्देति ॥ ४३ ॥ तए णं से पंथए दासचेडए देवदिन्नस्स दारगस्स वालग्गाही जाए, देवदिन्नं दार(यं)गं कडीए गेण्हइ २ त्ता बहूहिं डिभएहि य डिभियाहि य दारएहि य दारियाहि य कुमारएहि य कुमारियाहि य सद्धि संपरिखुडे (अभिरममाणे) अभिरमइ । तए णं सा भद्दा सत्यवाही अन्नया कयाइं देवदिन्नं दारयं व्हायं सव्वालंकारविभूसियं करेइ २ त्ता पंथयस्स दासचेडयस्स हत्थयंसि दलयइ । तए णं से पंथए दासचेडए भद्दाए सत्थवाहीए हत्थाओ देवदिन्नं दारगं कडीए गेण्हइ २ ता सयाओ गिहाओ पडिनिक्खमइ २ त्ता वहहिं डिभएहि य डिभियाहि य जाव कुमारियाहि य सद्धि संपरिखुडे जेणेव रायमग्गे तेणेव उवागच्छइ २ त्ता देवदिन्नं दारगं एगंते ठावेइ २ त्ता वहूहिं डिभएहि य जाव कुमारियाहि य सद्धिं संपरिवुडे पमत्त यावि (होत्था) विहरइ । इमं च णं विजए तकरे रायगिहस्स नयरस्स वहूणि वाराणि य अववाराणि य तहेव जाव आभोएमाणे मग्गेमाणे गवेसमाणे जेणेव देवदिन्ने दारए तेणेव उवागच्छइ २ त्ता देवदिन्नं दारगं सव्वालंकारविभूसियं पासइ २ ता देवदिन्नस्स दारगस्स आभरणालंकारेसु मुच्छिए गढिए गिद्धे अज्झोववन्ने पंथ(य)गं दासचेडं पमत्तं पासइ २ ता दिसालोयं करेइ २ त्ता देवदिन्नं दारगं गेण्हइ २ त्ता कक्खंसि अलियावेइ २ त्ता उत्तरिजेणं पिहेइ २ त्ता सिग्घं तुरियं चवलं वेइयं रायगिहस्स नगरस्स अवदारेणं निग्गच्छइ २ त्ता जेणेव जिण्णुजाणे जेणेव भग्गकूवए तेणेव उवागच्छइ २त्ता देवदिन्नं दारयं जीवियाओ ववरोवेइ २ त्ता आभरणालंकारं गेण्हइ २त्ता देवदिन्नस्स दारगस्स सरी(रंग)रं निप्पाणं निच्चेझैं जी(विय)वविप्पजढं भग्गकूवए 'पक्खिवइ २ त्ता जेणेव मालुयाकच्छए तेणेव उवागच्छइ २ त्ता मालयाकच्छयं अणुप्पविसइ २ ता निच्चले निप्फंदे तुसिणीए दिवसं ख(खि)वेमाणे चिठ्ठइ ॥४४॥ तए णं से पंथए दासचेडे तओ मुहुत्तंतरस्स जेणेव देवदिन्ने दारए ठविए तेणेव उवागच्छइ २ त्ता देवदिन्नं दारगं तंसि ठाणंसि अपासमाणे रोयमाणे कंदमाणे विलवमाणे देवदिन्नस्स दारगस्स सव्वओ समंता मग्गणगवेसणं करेइ २ त्ता देवदिन्नस्स दारगस्स कत्थइ सुइं वा खुइं वा पउत्ति वा अलभमाणे जेणेव सए गिहे जेणेव धण्णे सत्थवाहे तेणेव