Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1031

सु० १-०२] सुत्तागमे
९७९ अम्मयाओ जाव सुलद्धे णं माणुस्सए जम्मजीवियफले तासिं अम्मयाणं जासिं मन्ने नियगकुच्छिसंभूयाइं थणदुद्धलुद्धयाइं महुरसमुल्लावगाइं मम्मणपयंपियाइं थणमूल)ला कक्खदेसभागं अभिसरमाणाई मुद्धयाइं थणयं पि(वं)यंति तओ.य कोमलकमलोवमेहिं हत्थेहिं गिहिऊणं उच्छंगे निवेसियाई देंति समुल्लावए पिए सुमहुरे पुणो २ मंजुलप्पणिए । (तं) अहंणं अधन्ना अपुण्णा अकय]लक्खणा (अकयपुग्णा) एत्तो एगमवि न पत्ता । तं सेयं मम कल्लं पाउप्पभायाए जाव जलंते धणं सत्थवाहं आपुच्छित्ता धण्णेणं सत्थवाहेणं अव्भणुनाया समाणी सुबहुं विपुलं असणं ४ उवक्खडावेत्ता सुबहुं पुप्फ(वत्थ)गंधमलालंकारं गहाय बहूहिं मित्तनाइनियगसयणसंबंधिपरिजणमहिलाहिं सद्धि संपरिखुडा जाई इमाइं रायगिहस्स नयरस्स बहिया नागाणि य भूयाणि य जक्खाणि य इंदाणि य खंदाणि य रुदाणि य सि(से)वाणि य वेसमणाणि य तत्थ णं वहूणं नागपडिमाण य जाव वेसमणपडिमाण य महरिहं पुप्फच्चणियं करेत्ता जन्नु(जाणु)पायपडियाए एवं वइत्तए-जइ णं अहं देवाणुप्पिया ! दारगं वा दारिगं वा पयायामि तो णं अहं तुन्भं जायं च दायं च भायं च अक्खयणिहिं च अणुवड्डेमि त्तिकटु उवाइयं उवाइत्तए। एवं संपेहेइ २ त्ता कल्लं जाव जलंते जेणामेव धण्णे सत्थवाहे तेणामेव उवागच्छइ २ त्ता एवं वयासी-एवं खलु अहं देवाणुप्पिया! तुब्भेहिं सद्धिं बहूई वासाइं जाव देति समुल्लावए सुमहुरे पुणो २ मंजुलप्पभणिए, तं णं अहं अहन्ना अपुण्णा अकयलक्खणा एत्तो एगमवि न पत्ता, तं इच्छामि णं देवाणुप्पिया ! तुब्भेहिं अब्भणुन्नाया समाणी विपुलं असणं ४ जाव अणुवबेमि उवाइयं क(रे)रित्तए । तए णं धण्णे सत्थवाहे भई भारियं एवं वयासीममं पि य णं (खलु)देवाणुप्पिए! एस चेव मणोरहे-कहं णं तुमं दारगं वा दारियं वा पयाए(ज)जासि (2) भदाए सत्थवाहीए एयमहूँ अणुजाणइ । तए णं सा भद्दा सत्थवाही धण्णेणं सत्थवाहेणं अब्भणुनाया समाणी हट्टतुट्ठ जाव हयहियया विपुलं असणं ४ उवक्खडावेइ २ त्ता सुबहुं पुप्फगंध(वत्थ)मल्लालंकारं गेण्हइ २ त्ता सयाओ गिहाओ निग्गच्छइ २ त्ता रायगिहं नयरं मज्झमज्झेणं निग्गच्छइ २ त्ता जेणेव पोक्खरिणी तेणेव उवागच्छइ २ त्ता पुक्खरिणीए तीरे सुबहुं पुप्फ जाव मल्लालंकारं ठवेइ २ त्ता पुक्खरिणिं ओगाहेइ २ ता जलमजणं करेइ जल(कीडं)किडं करेइ २ त्ता ण्हाया उल्लपडसाडिगा जाई तत्थ उप्पलाई जाव सहस्सपत्ताई ताइं गिण्हइ २ त्ता पुक्खरिणीओ पच्चोरुहइ २ ता तं सुबहुं पुप्फ[वत्थ] गंधमलं गेण्हइ २ त्ता जेणामेव नागघरए (य) जाव वेसमणघरए य तेणामेव उवागच्छइ २ त्ता तत्थ ण नागपडिमाण य जाव वेसमणपडिमाण य आलोए पणामं करेइ ईसिं पञ्चुन्नमइ