Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1027

सु० १ भ० ]
'सुत्तागमे
९७५
ता मे अस्थि उठाणे कम्मे वले वीरिए पुरिसक्कारपरकमे सद्धा धिई संवेगे जाव य मे धम्मायरिए धम्मोवएसए समणे भगवं महावीरे जिणे सुहत्थी विहरइ ताव(ताव)मे सेयं कलं पाउप्पभायाए रयणीए जाव तेयसा जलंते (सूरे)समण भगवं महावीरं वंदित्ता नमंसित्ता समणेणं भगवया महावीरेणं अब्भणुन्नायस्स समाणस्स सयमेव पंच महन्वयाई आ(रु)राहित्ता गोयमाइए समणे निग्गथे निग्गंधीओ य‘खामेत्ता तहारूवेहिं कडाईहि थेरेहिं सद्धि विउलं पव्वयं सणियं २ दुरूहित्ता सयमेव मेहघणसन्निगासं पुढविसिलापट्टयं पडिलेहित्ता संलेहणाझूसणा(ए झसियस्स भत्तपाणपडियाइक्खियस्स पाओवगयस्स कालं अणवकखमाणस्स विहरित्तए । एवं सपेहेइ २' त्ता कल्लं पाउप्पभायाए रयणीए जाव जलते जेणेव समणे भगवं महावीरे तेणेव उवागच्छइ २ त्ता समणं भगवं महावीरं तिक्खुत्तो आयाहिणं पयाहिणं करेइ २त्ता वंदइ नमसइ वं० २ त्ता नचासन्ने नाइदूरे सुस्सूसमाणे नमसमाणे अभिमुहे विणएणं पंजलिउडे पजुवासइ । मे(हेत्ति)हाइ समणे - भगवं महावीरे मेहं अणगार एवं वयासी-से नूणं तव मेहा ! राओ पुव्वरत्तावरत्तकालसमयंसि धम्मजागरिय जागर. माणस्स अयमेयासवे अज्झथिए जाव रामुप्पज्जित्था-एवं खलु अहं इमेणं उरालेणं जाव जेणेव अ(इ)हं तेणेव हव्वमागए। से नूणं मेहा ! अढे समटे ? हंता अत्थि। अहासुहं देवाणुप्पिया ! मा पडिबंधं करेह । तए णं से मेहे अणगारे समणेणं भगवया महावीरेगं अब्भणुनाए समाणे हळू जाव हियए उहाए उढेइ २ त्ता समणं भगवं महावीरं तिक्खुत्तो आयाहिणं पयाहिणं करेइ ३ त्ता वंदइ नमसइ वं० २ त्ता सयमेव पंच महव्वयाई आरुहेइ २ त्ता गोयमाइ समणे निग्गंथे निग्गंथीओ य खामेइ २ त्ता तहारूवेहि कडाईहिं थेरेहि. सद्धिं विपुलं पव्वयं सणियं २ दुरूहइ २ त्ता सयमेव मेहघणसन्निगास पुढविसिलापट्टयं पडिलेहेइ २ त्ता उच्चार पासवणभूमि पडिलेहेइ २ .त्ता दब्भसंथारगं संथरइ २ त्ता व्भसंथारगं दुरूहइ २ त्ता पुरत्याभिमुहे सपलियंकनिसण्णे करयलपरिग्गहियं सिरसावत्तं मत्यए अजलिं कट्ठ एवं वयासीनमोत्यु णं अरिहंताणं भगवंतागं जाव संपत्ताणं, नमोत्यु ण समणस्स भगवओ महावीरस्स जाव संपाविउकामस्स मम धम्मायरियस्स । वंदामि णं भगवंतं तत्य. गयं इहगए पासउ मे भगवं तत्थगए इहगयं-तिकट्ट वंदइ नमसइ वं० २ ता एवं वयासी-पुट्विं पि(य) णं मए समणस्स भगवओ महावीरस्स अंतिए सव्वे पाणाइवाए पञ्चक्खाए मुसावाए अदिन्नादाणे मेहुणे परिग्गहे कोहे माणे माया लोहे पेजे दोसे कलहे अब्भक्खाणे पेसुन्ने परपरिवाए अरइरइ मायामोसे मिच्छादसणसल्ले पच्चक्खाए। इयाणिं पि णं अहं तस्सेव अंतिए सव्वं पाणाइवायं पञ्चक्खामि जाव मिच्छा