Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1028

९७६
सुत्तागमे
[णायाधम्मकहानी
दसणसलं पच्चक्खामि सव्वं असणपाणखाइमसाइमं चउविहपि आहारं पञ्चक्खामि जावज्जीवाए । जंपि य इमं सरीरं इठें कंतं पियं जाव विविहा रोगायंका परीसहोवसग्गा फुसंतीतिकटु एयं पि य णं चरमेहिं ऊसासनीमासेहिं वोसिरामि-त्तिकट्टसंलेहणाझूसणाझसिए भत्तपाणपडियाइक्खिए पाओवगए कालं अणवक्रंखमाणे विहरइ । तए णं ते थेरा भगवतो मेहस्स अणगारस्स अगिलाए वेयावडियं करेंति । तए णं से मेहे अणगारे समणस्स भगवओ महावीरस्स तहारूवाणं थेराणं अंतिए सामाइयमाझ्याइं एकारस अंगाई अहिज्जित्ता वहुपडिपुण्गाई दुवालसवरिसाइं सामण्णपरियागं पाउणित्ता मासियाए संलेहणाए अप्पाणं झोसेत्ता सहि भत्ताइ अणसणाए छेएत्ता आलोइयपडिक्कते उद्धियसले समाहिपत्ते आणुपुव्वेणं कालगए । तए णं(ते) येरा भगवंतो मेहं अणगारं आणुपुव्वेणं कालगयं पासेंति २ त्ता परिनिव्वाणवत्तियं काउस्सग्गं करेंति २ त्ता मेहस्स आयारभंडगं गेण्हंति २ त्ता विउलाओ पव्वयाओ सणियं २ पच्चोहंति २ ता जेणामेव गुणसिलए उज्जाणे जेणामेव समणे भगवं महावीरे तेणामेव उवागच्छंति २ त्ता समणं भगवं महावीरं वंदंति नमसंति वं० २ त्ता एवं वयासी-एवं खलु देवाणुप्पियाणं अंतेवासी मेहे नामं अणगारे पगइभदए जाव विणीए । से ण देवाणुप्पिएहि अन्भणुन्नाए समाणे गोयमाइए समणे निग्गंथे निग्गंथीओ य खामेत्ता अम्हेहिं सद्धिं विपुलं पव्वयं सणियं २ दुलहइ २ त्ता सयमेव मेघघणसन्निगासं पुढविसिलं (पट्टयोपडिलेहेइ २ त्ता भत्तपाणपडियाइक्खिए अणुपुत्वेणं कालगए । एस णं देवाणुप्पिया ! मेहस्स अणगारस्स आयारभंडए ॥ ३६ ॥ भंते! त्ति भगवं गोयमे समणं भगवं महावीरं वंदइ नमसइ वं० २ त्ता एवं वयासी-एवं खलु देवाणुप्पियाणं अंतेवासी मेहे नामं अणगारे, से णं भंते ! मेहे अणगारे कालमासे कालं किच्चा कहिं गए कहिं उववन्ने ? गोयमाइ समणे भगवं महावीरे भगवं गोयमं एवं वयासी-एवं खलु गोयमा ! मम अंतेवासी मेहे नामं अणगारे पगइभद्दए जाव विणीए, से णं तहारूवाणं थेराणं अंतिए सामाझ्यमाइयाइं एकारस अंगाई अहिज्जइ २ त्ता वारस भिक्खुपडिमाओ गुणरयणसंवच्छरं तवोकम्म काएणं फासेत्ता जाव किटेत्ता मए अव्भणुन्नाए समाणे गोयमाइ धेरे खामेइ २ त्ता तहारूवेहिं जाव विरलं पव्वयं दुलहइ २ त्ता दव्भसंथारगं संथरइ २ त्ता दव्भसथारोवगए सयमेव पंचमहव्वए उच्चारेइ वारस वासाई सामग्णपरियागं पाउणित्ता मासियाए सलेहणाए अप्पाण झुसित्ता सहि भत्ताई अणसणाए छेदेत्ता आलोइयपडितते उद्धियसल्ले समाहिपत्ते कालमासे कालं किच्चा उद्धं चंदिमसूरगहगणनक्खत्तताराख्वाणं वहुई जोयणाई वहुई जोयणसयाई वहूई जोयणसहस्साई