Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1006

९५४ ,
सुत्तागमे
[णायाधम्मकहाओ
२त्ता एवं वयासी-खिप्पामेव भो देवाणुप्पिया ! रायगिहं नयरं सिंघाडगतिगचउक्कचच्चर०आसित्तसित्त जाव सुगंधवरगंधियं गंधवधिभूयं करेह य कारवेह य करित्ता य करावित्ता य मम एयमाणत्तियं पञ्चप्पिणह । तए णं ते कोडवियपुरिसा जाव पञ्चप्पिणति । तए णं से सेणिए राया दोचंपि कोथुवियपुरिसे सद्दावेइ २ त्ता एवं वयासी-खिप्पामेव भो देवाणुप्पिया! हयगयरहजोहपवरकलियं चाउरंगिणिं से(णं सन्नाह सेयणयं च गंधहत्थिं परिकप्पेह । तेवि तहेव जाव पचप्पिणंति । तए णं से सेणिए राया जेणेव धारिणी देवी तेणामेव उवागच्छइ २ त्ता धारिणि देवि एवं वयासी-एवं खलु देवाणुप्पिए ! सगजिया जाव पाउससिरी पाउन्भूया, तं गं तुमं देवाणुप्पिए! एवं अकालदोहलं विणेहि । तए णं सा धारिणी देवी सेणिएणं रन्ना एवं वुत्ता समाणी हट्टतुट्ठा जेणामेव मजणघरे तेणेव उवागच्छइ २ त्ता मजणधरं अणुप्पविसइ २ त्ता अंतो अंतेउरंसि व्हाया कि ते वरपायपत्तनेउर जाव आगासफालियसमप्पभं अंसुयं नियत्था सेयणयं गंधहत्थि दुरूढा समाणी अमयमहिंयफेणपुंजसन्निगासाहिं सेयचामरवालवीयणीहिं वीइज्जमाणी २ संपत्थिया। तए णं से सेणिए राया पहाए सस्सिरीए हत्यिखंधवरगए सकोरेंटमल्लदामेणं छत्तणं धरिजमाणेणं चउचामराहिं वीइज्जमाणे धारिणीदेवी पिट्ठओ अणुगच्छइ । तए णं सा धारिणी देवी सेणिएणं रन्ना हत्थिखधवरगएणं पिट्ठओ २ समणुगम्ममाणमग्गा हयगयरहजोहकलियाए चाउरंगिणीए सेणाए सद्धिं संपरिवु(ए)डा महया भडचडगरवंदपरिक्खित्ता सविड्ढीए सव्वज्जुईए जाव दुंदुभिनिग्घोसनाइयरवेणं रायगिहे नयरे सिंघाडगतिगचउक्कचच्चर जाव महापहेसु नागरजणेणं अभिनंदिज्जमा(णा)णी २ जेणामेव वेभारगिरिपव्वए तेणामेव उवागच्छइ २ त्ता वेभारगिरिकडगतडपायमूले आरामेसु य उज्नाणेसु य काणणेसु य वणेसु य वणसंडेसु य रुक्खेसु य गुच्छेसु य गुम्मेसु य लयासु य वल्लीसु य कंदरासु य दरीसु य चुण्ढीसु य दहेसु य कच्छेतु य नईसु य संगमेसु य विवरएसु य अच्छमाणी य पेच्छमाणी य मजमाणी य पत्ताणि य पुप्फाणि य फलाणि य पल्लवाणि य गिण्हमाणी य माणेमाणी य अग्घायमाणी य परिभुजमाणी य परिभाएमाणी य वेभारगिरिपायमूले दोहलं विणेमाणी सव्वओ समंता आहिंडइ । तए णं सा धारिणी देवी (तंसि अकालदोहलंसि विणीयंसि सम्माणियदोहला) विणीयदोहला संपुण्गदोहला संपन्नदोहला जाया यावि होत्था । तए णं सा धारिणी देवी सेयणयगंधहत्थि दूरुढा समाणी सेणिएणं हत्यिखंधवरगएणं पिढओ २ समणुगम्ममाणमग्गा हयगय जाव र(हे)वेणं जेणेव रायगिहे नयरे तेणेव उवागच्छइ २ त्ता