Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1005

सु० १ ० १ ]
सुत्तागमे
९५३
-
1
खिणियाई पवरवत्थाई परिहिए । एक्को ताव एसो गमो । अन्नोऽवि गमो - ताए उनिहाए तुरियाए चवलाए चंडाए सीहाए उद्भूयाए ज (इ) यणाए छेयाए दिव्वाए देवगईए जेणामेव जंबुद्दीवे २ भारहे वासे जेणामेव दाहिणद्धभरहे रायगिहे नयरे पोसहसालाए अभए कुमारे तेणामेव उवागच्छइ २ त्ता अंत (रि) लिक्खपडिवन्ने दसवण्णाई सखिखिणियाई पवरवत्थाई परिहिए अभयं कुमारं एवं वयासी - अहं णं देवाणुप्पिया ! पुव्वसंगइए सोहम्मकप्पवासी देवे महड्डिए जं जं तुमं पोसहसालाए अट्टमभन्तं पगिहित्ता णं ममं मणसीकरेमाणे चिट्ठसि तं एस णं देवाप्पिया ! अहं इहं हव्वमागए । संदिसाहि णं देवाणुप्पिया ! किं करेमि किं दलामि कि पयच्छामि कि वा ते हियइच्छियं ? । तए णं से अभए कुमारे तं पुव्वसंगइयं देवं अंतलिक्खपडिवन्नं पासइ २त्ता हट्टतुट्ठे पोसहं पारेइ २ त्ता करयल जाव अंजलि कट्ट एवं बयासी एवं खलु देवाणुप्पिया ! मम चुहमा उयाए धारिणीए देवीए अयमेयारूवे अकालडोहले पाउब्भूए-धन्नाओ णं ताओ अम्मयाओ तहेव पुव्वगमेणं जाव विणिज्जामि । तं णं तुमं देवाणुप्पिया ! मम चुलमाउयाए धारिणीए देवीए अयमेयात्वं अकालडोहलं विणेहि । तए णं से देवे अभएणं कुमारेणं एवं वृत्ते समाणे हद्रुतुट्टे अभयं कुमारं एवं वयासी - तुमं णं देवाणुप्पिया ! सुनिव्युयवीसत्थे अच्छाहि, अहं णं तव चुलमाउयाए धारिणीए देवीए अयमेयारूवं डोहल विणेमि - त्तिकट्टु अभयस्स कुमारस्स अंतियाओ पडिनिक्खमइ २ त्ता उत्तरपुरच्छिमे णं वेभारपव्वए वेउव्वियसमुग्धाएणं समोहण्णइ २ त्ता संखेज्जाई जोयणाई दंड निस्सरइ जाव दोपि वेडव्वियसमुग्धाएणं समोहणइ २ त्ता खिप्पामेव सगज्जइयं सविजुयं सफुसिय (i) पंचवण्णमेहणिणाओवसोहियं दिव्वं पाउससिरि विउव्वइ २ त्ता जेणेव अभए कुमारे तेणेव उवागच्छइ २ त्ता अभयं कुमारं एवं वयासी - एवं खलु देवाणुप्पिया ! मए तव पियट्टयाए सगजिया सफुसिया सविज्जुया दिव्वा पाउससिरी विउन्विया, तं विणेउ णं देवाणुप्पिया । तव चुलमाया धारिणी देवी अयमेयारूवं अकाल (मेह) डोहलं । तए णं से अभए कुमारे तस्स पुव्वसंगइयस्स सोहम्म कप्पवासिस्स देवस्स अतिए एयमहं सोच्चा निसम्म हट्टतुट्ठे सयाओ भवणाओ पडिनिक्खमइ २ त्ता जेणामेव सेणिए राया तेणामेव उवागच्छइ २ त्ता करयल जाव अंजलि कट्टु एवं वयासी - एवं खलु ताओ । मम पुव्वसंगइएण सोहम्मकप्पवासिणा देवेगं खिप्पामेव सगज्जियसविजय(सफुसिय) पंचवण्णमेहनिणाओवसोभिया दिव्वा पाउससिरी विउब्विया । तं विउ णं मम चुलमाउया धारिणी देवी अकालदोहलं । तए णं से सेणिए राया अभय कुमारस्स अंतिए एयमहं सोच्चा निसम्म हट्टतुट्ठ जाव कोडुंवियपुरिसे सद्दावेइ