Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1002

सुत्तागमे
[ णायाधम्मकहाओ
GIVE
चवल वेइयं जेणेव धारिणी देवी तेणेव उवागच्छइ २ त्ता धारिणि देवि ओलुग्गं ओलुग्गसरीरं जाव अट्टज्झाणोवगयं झियायमाणि पासइ २ त्ता एवं व्यासी- किन्नं तु (मे) मं देवाणुप्पिए ! ओलुग्गा ओलुग्गसरीरा जाव अट्टज्याणोवगया झियायसि ?, तए णंसा धारिणी देवी सेणिएगं रन्ना एवं वुत्ता समाणी नो आढाइ जाव तुसिणीया संचिवइ । तएणं से सेणिए राया धारि (णीं) णिं दे (वी) विं दोपि तच्चपि एवं वयासी - किन्नं तुमं देवाप्पिए! ओलुग्गा जाव झियायति ?, तए णं सा धारिणी देवी सेणिएणं रन्ना दोच्चंपि तच्चपि एवं वृत्ता समाणी नो आढाइ नो परिजाणाइ तुतिणीया संचिट्ठइ । तए णं से सेणिए राया धारिणि देविं सवहसावियं करेड़ २ त्ता एवं वयासी - कि गं तुमं देवाणुप्पिए ! अहमेयस्स अट्ठस्स अणरिहे सचणयाए ता णं तुमं ममं अयमेयारुवं मणोमाणसियं दुक्खं रहस्सीकरेसि ? । तए णं सा धारिणी देवी सेणिएणं रन्ना सवहसाविया समाणी सेणियं रायं एवं वयासी एवं खलु सामी 1 मम तस्स उरालस्स जाव महासुमिणस्स तिन्हं मासाणं बहुपडिपुण्गाणं अयमेयारूवे अकालमे हेतु डोहले पाउव्भूए—धन्नाओ णं ताओ अम्मयाओ कयत्थाओ णं ताओ अम्मयाओ जाव वैभारगिरिपायमूलं आहिडमाणीओ दोहलं विर्णिति, तं जइ णं अहमवि जाव दोहलं विणिजामि । तए णं हं सामी ! अयमेयारुवंति अकालदोहलंति अविणिजमार्गति ओलुग्गा जाव अट्टज्नाणोवगया झियायामि । एएणं अहं कारणेणं सामी 1 ओलुग्गा जाव अट्टज्झाणोवगया झियायामि । तए णं से सेणिए राया धारिणीए देवीए अंतिए एयमट्टं सोच्चा निसम्म धारिणिं देविं एवं वयासी - मा णं तुमं देवाणुप्पिए । ओलुग्गा जाव झियाहि, अहं णं तहा करिस्सामि जहा णं तुब्भं अयमेयारुवस्स अकालदोहलस्स मणोरहसंपत्ती भविस्सइ-त्तिकद्रु धारिणि देविं इट्ठाहि कंताहिं पियाहिं मणुन्नाहिं मणामाहिं वग्गूहिं समासासेइ २ त्ता जेणेव बाहिरिया उवद्वाणसाला तेणामेव उवागच्छइ २ त्ता सीहासणवरगए पुरत्याभिमुद्दे सन्निसणे धारिणीए देवीए एयं अकालदोहलं वहूहि आएहि य उवाएहि य उप्पत्तियाहि य वेणझ्याहि य कम्मि याहि य पा(प)रिणामियाहि य चउव्विहाहिं वुद्धीहिं अणुचिंतेमाणे २ तस्स दोहलस्स आयं वा उवायं वा ठिई वा उप्पत्तिं वा अविंदमाणे ओहयमणसंकप्पे जाव झियायइ ॥ १४॥ तयाणंतरं च णं अभए कुमारे ण्हाए सव्वालंकारविभूसिए पायवंदए पहारेत्थ गमणाए। तए णंसे अभयकुमारे जेणेव सेणिए राया तेणेव उवागच्छइ २ त्ता सेणियं रायं ओहयमणसंकप्पं जाव झियायमाणं पासइ २त्ता अयमेयारूवे अ (व्भ) ज्झत्थिए चितिए पत्थिए मणोगए संकप्पे समुप्पजित्था - अन्नया (य) ममं सेणिए राया एजमाणं पासइ पासित्ता आढाइ परिजाणाइ सक्कारेइ सम्माणेइ आलवइ संलवइ अद्धासणेणं
९५०