Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1001

९४९
सु० १ म० १]
सुत्तागमे छत्तेण धरिजमाणेणं चंदप्पभवइरवेरुलियविमलदंडसंखकुंददगरयअमयमहियफेणपुंजसन्निगासचउचामरवालवीजियंगीओ सेणिएणं रन्ना सद्धिं हत्थिखंधवरगएणं पिट्टओ (२) समणुगच्छमाणीओ चाउरंगिणीए सेणाए महया हयाणीएणं गयाणीएणं रहाणीएणं पायत्ताणीएणं सब्बिड्डीए सव्वजुईए जाव निग्घोसनाइयरवेणं रायगिहं नयरं सिंघाडगति(योगचउक्कचच्चरचउम्मुहमहापहपहेसु आसित्तसित्तसु(चि)इयसंमजिओवलितं जाव सुगंधवरगंधियं गंधवटिभूयं अवलोएमाणीओ नागरजणेणं अभिनंदिजमाणीओ गुच्छलयारुक्खगुम्सवल्लिगुच्छओच्छाइयं सुरम्मं वेभारगिरिकडगपायमूलं सव्वओ समंता आहिडेमाणीओ २ दोहलं वि(णि)णयंति । तं जइ णं अहमवि मेहेमु अब्भु(व)ग्गएसु जाव दोहलं विणिजामि ॥१३॥ तए णं सा धारिणी देवी तंसि डोहलंसि अविणिजमाणं सि असंप(ण)त्तदोहला असंपुण्णदोहला असंमाणियदोहला सुक्का भुक्खा निम्मंसा ओलुग्गा ओलुग्गसरीरा पमइलदुब्वला किलंता ओमंथियवयणनयणकमला पंडुइयमुही करयलमलियव्व चंपगमाला नित्तेया दीणविवण्णवयणा जहोचियपुप्फगंवमलालंकारहारं अणभिलसमाणी कीडारमण किरियं च परिहावेमाणी दीणा दुम्मणा निराणंदा भूमिगयदिट्ठीया ओहयमणसंकप्पा जाव झिया(य)इ । तए णं तीसे धारिणीए देवीए अंगपडियारियाओ अभितरियाओ दासचेडियाओ धारिणिं देवि ओलग्गं जाव झियायमाणि पासंति २ त्ता एवं वयासी-किन्नं तुमे देवाणुप्पिए। ओलुग्गा ओलुग्गसरीरा जाव झियायसि ?, तए णं सा धारिणी देवी ताहि अंगपडियारियाहिं अभितरियाहिं दासचेडियाहि(य) एवं वुत्ता समाणी ताओ (दास)-चेडियाओ नो आढाइ नो(य) परियाणाइ अणाढायमाणी अपरियाणमाणी तुसिणीया संचिठ्ठइ।तएणं ताओ अंगपडियारियाओ अभितरियाओ दासचे(डी)डियाओ धारिणिं देविं दोचंपि तचंपि एवं वयासी-किन्नं तुमे देवाणुप्पिए! ओलुग्गा ओलुग्गसरीरा जाव झियायसि ?, तए णं सा धारिणी देवी ताहिं अंगपडियारियाहिं अभितरियाहिं (य) दासचे(डी)डियाहिं दोच्चपि तच्चपि एवं वुत्ता समाणी नो आढाइ नो परियाणाइ अणाढायमाणी अपरियाणमाणी तुसिणीया संचिठ्ठइ । तए णं ताओ अंगपडियारियाओ अभितरियाओ दासचेडियाओ (य)धारिणीए देवीए अणाढाइज्जमाणीओ अपरि(याण)जा. णिजमाणीओ तहेव संभंताओ समाणीओ धारिणीए देवीए अंतियाओपडिनिक्खमंति २ ता जेणेव सेणिए राया तेणेव उवागच्छंति २ ता करयलपरिग्गहियं जाव कटु जएणं विजएणं वद्धावेंति २ त्ता एवं वयासी-एवं खलु सामी! किपि अज्ज धारिणी देवी ओलुग्गा ओलुग्गसरीरा जाव अट्टज्झाणोवगया झियायइ। तए णं से सेणिए राया तासिं अंगपडियारियाणं अंतिए एयमढे सोच्चा निसम्म तहेव संभंते समाणे सिग्धं तुरियं