Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 1003

सु० १ अ० १] सुत्तागमे
९५१ उवनिमंतेइ मत्थयंसि अग्धाइ । इयाणि ममं सेणिए राया नो आढाइ नो परियाणइ नो सकारेइ नो सम्माणेइ नो इटाहिं कंताहिं पियाहि मणुनाहिं ओरालाहिं वग्गूहिं आलवइ संलवइ नो अद्धासणेणं उवनिमतेइ नो मत्ययंसि अग्घा(य)इ(य) किपि ओहयमणसंकप्पे झियायइ । तं भवियव्वं णं एत्थ कारणेणं । तं सेयं खलु (मे) ममं सेणियं रायं एयमहूं पुच्छित्तए । एवं संपेहेइ २ त्ता जेणामेव सेणिए राया तेणामेव उवागच्छइ २ त्ता करयलपरिग्गहियं सिरसावत्तं मत्थए अजलिं कटु जएणं विजएणं वद्धावेइ २ त्ता एवं वयासी-तुन्भे णं ताओ ! अन्नया ममं एजमाणं पासित्ता आढाह परिजाणह जाव मत्थयंसि अग्धायह आसणेणं उवनिमंतेह, इयाणि ताओ ! तुन्भे ममं नो आढाह जाव नो आसणेणं उवनिमंतेह किंपि ओहयमणसंकप्पा जाव झियायह, तं भवियव्वं ताओ! एत्थ कारणेणं, तओ तुन्भे म(म)मंताओ! एयं कारणं अगृहेमाणा असंकेमाणा अनिण्हवेमाणा अपच्छाएमाणा जहाभूयमवितहमसंदिद्ध एयमढें आइक्खह । तए णं हं तस्स कारणस्स अंतगमणं गमिस्सामि । तए णं से सेणिए राया अभएणं कुमारेणं एवं वुत्ते समाणे अभयकुमारं एवं वयासी-एवं खलु पुत्ता ! तव चुलमाउयाए धारिणीए देवीए तस्स गन्भस्स दोसु मासेसु अइकंतेसु तइयमासे वट्टमाणे दोहलकालसमयंसि अयमेयारूवे दोहले पाउन्भवित्था-धन्नाओ णं ताओ अम्मयाओ तहेव निरवसेसं भाणियव्वं जाव विणिति । तए णं अहं पुत्ता ! धारिणीए देवीए तस्स अकालदोहलस्स वहूहि आएहि य उवाएहि जाव उप्पत्तिं अविंदमाणे ओहयमणसंकप्पे जाव झियायामि तुमं आगयंपि न याणामि, तं एएणं कारणेणं अहं पुत्ता ! ओहयमणसंकप्पे जाव झियामि । तए णं से अभए कुमारे सेणियस्स रण्णो अंतिए एयमहूँ सोचा निसम्म हट्ठ जाव हियए सेणियं रायं एवं चयासी-मा'णं तुम्भे ताओ! ओहयमणसंकप्पा जाव झियायह । अहं णं तहा करिस्सामि जहा णं मम चुल्लमाउयाए धारिणीए देवीए अयमेयारूवस्स अकालडोहलस्स मणोरहसंपत्ती भविस्सइ-त्तिकटु सेणियं रायं ताहि इट्टाहि कंताहि जाव समासासेइ । तए णं सेणिए राया अभएणं कुमारेणं एवं वुत्ते समाणे हद्वतुढे जाव अभयं कुमारं सकारेइ सम्माणेइ सक्कारिता सम्माणित्ता पडिविसज्जेइ ॥ १५॥ तए णं से अभए कुमारे सकारिए सम्माणिए पडिविसज्जिए समाणे सेणियस्स रण्णो अंतियाओ पडिनिक्खमइ २ त्ता जेणामेव सए भवणे तेणामेव उवागच्छइ २ त्ता सीहासणे निसण्णे । तए णं तस्स अभयकुमारस्स अयमेयारूवे अज्झथिए जाव समुप्पज्जित्या-नो खलु सका माणुस्सएणं उवाएणं मम चुल्माउयाए धारिणीए देवीए अकालडोहलमणोरहसंपत्तिं करित्तए नन्नत्य दिव्वेणं उवाएणं । अस्थि णं