________________
[ ११ ] नाभिराय मरुदेवी नन्दन, व्याह उछाह त्रिलोक भने ॥ माई० ॥१॥ सीस मुकुट गल अनूपम, भूषन बरननको बरनै । माई० ॥२॥ गृह सुखकार रतनमय कीनो चौंरी मंडप सुरगननै माई०॥३॥ द्यानत धन्य सुनन्दा कन्या, जाको आदीश्वर परनै ॥ माई०॥४॥
(२०) राग परज। - माई ! आज आनन्द है या नगरी ॥ टेक ॥ गज गमनी शशि बदनी तरुनी, मंगल गावत हैं सिगरी ॥ माई० ॥१॥ नाभिराय घर पुत्र भयो है, किये हैं अजाचक जाचकरी ॥ माई० ॥२॥ द्यानत धन्य कूख मरुदेवी, सुर सेवत जाके पगरी मा०
(२१) जिनके हिरदै प्रभु नाम नहीं तिन, नर अबतार लिया न लिया।।टेक॥ दान बिना घर-वास बासकै, लोभ मलीन धिया न धिया । जिनके०॥
१॥ मदिरापान कियो घट अन्तर, जलमल सोधि पिया न पिया। आन प्रानके मांस भखेतै करुना भाव हिया न हिया ॥ जिनके० ॥२॥ रूपवान गुनखान वानि शुभ, शील विहीन तिया न तिया।
