________________
तीसइमं अज्भयणं
तीसइमं अज्झयणं.
तवमग्गगई जहा उ पावगं कम्मं रागदोससमज्जियं । खवेइ तवसा भिक्खू तमेगग्गमणो सुण ॥ १ ॥ पाणवहमुसावाया, अदत्तमेहुणपरिग्गहा विरओ। राईभोयणविरओ जीवो भवइ । अणासवो ।। २ ।। पंचसमिओ तिगुत्तो अकसाओ जिइन्दिओ। अगारवो य निस्सल्लो जीवो होइ अणासवो ।। ३ ।। एएसिं तु विवच्चासे रागद्दोससमज्जियं । जहा . खवयइ भिक्खू तं मे एगमणों सुण ।। ४ ।। जहा महातलायस्स सन्निरुद्ध जलागमे । उस्सिचणाए तवणाए कमेणं सोसणा भवे ॥ ५ ॥ एवं तु संजयस्सावि पावकम्मनिरासवे। । भवकोडीसंचियं कम्म तवसा निज्जरिज्जइ ।। ६ ॥ सो तवो दुविहो वुत्तो वाहिरव्भन्तरो तहा। वाहिरो छव्विहो वुत्तो एवमन्भन्तरो तवो ।। ७ ।। . अणसणमूणोयरिया, भिक्खायरिया य रसपरिच्चाओ।
कायकिलेसो संलोणया य, वज्झो तवो होइ ॥ ८ ॥ : इत्तिरिया मरणकाले दुविहा अणसणा भवे। इत्तिरिया सावकंखा, निरवकंखा विइज्जिया ॥ ६ ॥
