________________
- छबीसइमं अज्ञयणं.
. २०१ पारियकागस्सग्गो वन्दित्ताण तओ गुरु।। थुइमंगलं च काऊण कालं संपडिलेहए ।। ४३ ।। पढम पोरिसिं सज्झायं वीयं झाणं झियायई । तइयाए. निद्दमोक्खं तु सज्झायं तु चउत्थिए । ४४ ।। पोरिसीए चउत्थीए कालं तु पडिलेहिया । सज्झायं तओ कुज्जा अवोहेन्तो असंजए ॥ ४५ ।। पोरिसीए चउभाए वन्दिऊण तओ गुरु । पडिक्कमित्तु कालस्स कालं तु पडिलेहए ।। ४६ ।। आगए कायवोस्सगे सव्वदुक्खविमोक्खणे। काउस्सग्गं तओ कुज्जा सव्वदुक्ख विमोक्खणं ।। ४७ ।। राइयं च अईयारं चिन्तिज्ज . अणुपुव्वसो। नाणंमि दंसणंमी य चरित्तमि तवंमि य ।। ४८ ।। पारियकाउस्सग्गो . वन्दित्ताण तओ गुरु। राइयं तु अईयारं आलोएज्ज जहक्कम ॥ ४६॥ पडिक्कमित्तु निस्सल्लो वन्दित्ताण तओ गुरु । काउस्सग्गं तओ कुज्जा सव्वदुक्खविमोक्खणं ।। ५० ।। कि तवं पडिवज्जामि एवं तत्थ विचिन्तए। काउस्सग्गं तु पारित्ता वन्दई य तओ गुरु ॥५१॥ पारियकाउस्सग्गो वन्दित्ताण तओं गुरु। तवं संपडिवज्जेत्ता करेज्ज सिद्धाण संथवं ।। ५२ ॥ एसा सामायारी समासेण वियाहिया। जं चरित्ता वहू जीवा तिण्णा संसारसागरं ।। ५३ ।।
-त्ति बेमि ।।
...
