________________
२००
उत्तरज्झयणं तइयाए पोरिसीए भत्तं पाणं गवेसए । छण्हं अन्नयरागम्मि कारणमि समुट्ठिए. ॥ ३२॥ वेयणवेयावच्चे इरियट्ठाए य संजमट्ठाए । तह पाणवत्तियाए छट्ठ पुण धम्मचिन्ताए ।। ३३ ।। निग्गन्थो धिइमन्तो निग्गन्थी वि न करेज्ज छहिं चेव । ठाणेहि उ इमेहि अणइक्कमणा य से होइ ॥ ३४ ॥
आयंके उवसग्गे तितिक्खया वम्भचेरगुत्तीसु । पाणिदया तवहेउं सरीरवोच्छेयणढाए ।। ३५ ।। अवसेसं भण्डगं गिज्झा चक्खुसा पडिलेहए। परमद्धजोयणाओ विहारं विहरए मुणी ॥ ३६ ।। चउत्थीए पोरिसीए निक्खिवित्ताण भायणं । सज्झायं तओ. कुज्जा, सव्वभावविभावणं ॥ ३७॥ पोरिसीए चउब्भाए वन्दित्ताण तओ गुरु। पडिक्कमित्ता कालस्स सेज्ज तु पडिलेहए ।। ३८ ।। पासवणुच्चारभूमि च पडिले हिज्ज जयं जई। काउस्सग्गं तओ कुज्जा सव्वदुक्खविमोक्खणं ।। ३६ ।। देसियं च अईयारं चिन्तिज्ज अणपुव्वसो । नाणे दंसणे चेव चरित्तम्मि तहेव य ॥ ४० ॥ पारियकाउस्सग्गो वन्दित्ताण तओ गुरु । देसियं तु अईयारं आलोएज्ज जहक्कम ॥४१॥ पडिक्कमित्तु निस्सल्लो वन्दित्ताण तो गुरु । काउस्सग्गं तओ कुज्जा सव्वदुक्खविमोक्खणं ॥ ४२ ॥
