________________
छबीसइमं अज्झयमं
पुबिल्लंमि चउभाए पडिले हित्ताण भण्डयं । गुरु वन्दित्तु सज्झायं कुज्जा दुक्खविमोक्खणं ।। २१ ।। पोरिसीए चउभाए वन्दित्ताण तओ गुरु । अपडिक्कमित्ता कालस्स भायणं पडिलेहए ।। २२ ।। मुहपोत्तियं पडिले हित्ता पडिलेहिज्ज गोच्छगं । गोच्छगलइयंगुलिओ वत्थाई पडिलेहए ॥ २३ ।।। उड्ढं थिरं अतुरियं पुव्वं वा वत्थमेव पडिलेहे। तो विइयं पप्फोडे तइयं च पुणो पमज्जेज्जा ॥ २४ ॥ अणच्चावियं अवलियं अणाणुवन्धि अमोसलिं चेव । छप्पुरिमा नव खोडा पाणीपाणविसोहणं ।। २५ ।। आरभडा सम्मदा वज्जेयव्वा य मोसली तइया। पप्फोडणा चउत्थी विक्खित्ता वेइया छट्ठी ॥ २६ ॥ पसिढिलपलम्बलोला एगामोसा अणेगरूवधुणा । कुणइ पमाणि पमायं संकिएगणणोवगं कुज्जा ।। २७ ।। अणूणाइरित्तपडिलेहा अविवच्चासा तहेव य । पढमं पयं पसत्थं सेसाणि उ अप्पसत्थाइं ॥ २८ ॥ पडिलेहणं कुणन्तो मिहोकहं कुणइ जणवयकहं वा।। देइ व पच्चक्खाणं वाएइ सयं पडिच्छइ वा ॥२६॥ पुढवीआउक्काए । तेऊवाऊवणस्सइतसाणं। .. पडिलेहणापमत्तो छण्हं पि विराहओ . होइ ।। ३० ।। पुढवीआउक्काए तेऊवाऊवणस्सइतसाणं । पडिलेहणआउत्तो छण्हं आराहओ होइ ॥ ३१ ।।
