________________
चविसइमं अज्झयणं
१८६
चउविसइमं अज्झयणं
पवयण-माया
अट्ठ पवयणमायाओ समिई गुत्ती तहेव य । पंचेव य समिईओ तओ गुत्तीओ आहिया ।। १ ।। इरियाभासेसणादाणे उच्चारे समिई इय। मणगुत्ती. वयगुत्ती कायगुत्ती य अट्ठमा ॥ २ ।। एयाओ अट्ट समिईओ समासेण. वियाहिया । दुवालसंगं जिणक्खायं, मायं, जत्थ उ पवयणं ।। ३ ।। आलम्वणेण कालेण मग्गेण जयणाइ य । चउकारणपरिसुद्धं संजए इरियं रिए ।। ४ ।। तत्थ आलंवणं नाणं दंसणं चरणं तहा। : ।। काले य दिवसे वुत्ते मग्गे उप्पहवज्जिए ॥ ५ ॥ दवओ खेत्तओ चेव कालओ भावओ तहा। जयणा चउविवहा वुत्ता तं मे कित्तयओ सुण ॥ ६ ॥ दव्वओ चक्खसा पेहे जुगमित्तं च खेत्तओ। कालओ जाव रीएज्जा उवउत्ते य भावओ ॥ ७ ॥ इन्दियत्थे विवज्जित्ता सज्झायं चेव पंचहा। तम्मुत्ती तप्पुरक्कारे उवउत्ते इरियं रिए ।। ८ ।। कोहे माणे य मायाए लोभे य उवउत्तया । हासे भए.. मोहरिए विगहासु तहेव च ॥६॥
