________________
तेविसइमं अभयणं
सरीरमाहु नाव त्ति जीवो वुच्चइ नाविओ । संसारो अण्णवो वत्तो जं तरन्ति महेसिणो ।। ७३ ।।
साहु गोयम ! पन्ना ते, छिन्नो मे संसओ इमो । अन्नो वि संसओ मज्झं तं मे कहसु गोयमा ! ॥ ७४ ॥
अन्धयारे तमे घोरे चिट्ठन्ति पाणिणो वहू | को करिस्सइ उज्जोयं सव्वलोगंमि पाणिणं ? ।। ७५ ।।
उग्गओ विमलो भाणू सव्वलोगप्पभंकरो । सो करिस्सर उज्जोयं सव्वलोगंमि पाणिणं ।। ७६ ।।
भाणू य इइ के वुत्ते ? केसी गोयममब्बवी । के सिमेवं बुवंतं तु गोयमो इणमन्त्रवी ॥ ७७ ॥ उग्गओ खीणसंसारो सव्वन्नू जिणभक्खरो । सो करिस्सर उज्जयं सव्वलोयंमि पाणिणं ॥ ७८ ॥
साहु गोयम ! पन्ना ते छिन्नो मे संसओ इमो । अन्नो वि संसओ मज्झं तं मे कहसु गोयमा ! ॥ ७६ ॥
सारी माणसे दुक्खे वज्झमाणाण पाणिणं । खेमं सिवमणावाहं ठाणं किं मन्नसी मुणी ? ॥ ८० ॥
अस्थि एवं धुवं ठाणं लोगग्गंमि दुरारुहं | जत्थ नंत्थि जरा मच्चू वाहिणो वेयणा तहा ॥ ८१ ॥ ठाणे यइइ के वुत्ते ? केसी गोयममव्ववी । के सिमेवं बुवंतं तु गोयमो इणमव्ववी ॥ ८२ ॥ निव्वाणं ति अवाहं ति सिद्धी लोगग्गमेव य । खेवं सिवं अणावाहं जं चरन्ति महेसिणो ॥ ८३ ॥
१८७
