________________
१८६
उत्तरज्झयणं ।
कुप्पवयणपासण्डो सब्वे उम्मग्गपट्ठिया। सम्मग्गं तु जिणक्खायं एस मग्गे हि उत्तमे ।। ६३ ।। . साहु गोयम ! पन्ना ते छिन्नो मे संसओ इमो। अन्नो वि संसओ मज्झं तं मे कहसु गोयमा ! ॥ ६४ ॥ महाउदगवेगेणं वुज्झमाणाण पाणिणं । सरणं गई पइट्ठा य दीवं कं मन्नसी ? मुणी ! ।। ६५ ।। अत्यि एगो महादीवो वारिमज्झे महालओ।। महाउदगवेगस्स गई तत्थ न विज्जई ।। ६६ ।। दोवे य इइ के वृत्ते ? केसी गोयममव्ववी। केसिमेवं बुवंतं तु गोयमो इणमव्ववी ।। ६७ ।। जरामरणवेगेणं वुज्झमाणाण पाणिणं । धम्मो दीवो पइट्ठा य गई सरणमुत्तमं ।। ६८ ।। साहु गोयम ! पन्ना ते, छिन्नो मे संसओ इमो। अन्नो वि संसओ मज्झं, तं मे कहस गोयमा ! ॥६६॥ अण्णवंसि महोहंसि नावा विपरिधावई । जंसि गोयममारूढो कहं पारं गमिस्ससि ? ।। ७० ।। जा उ अस्साविणी नावा,
__ न सा पारस्स गामिणी । जा निरस्साविणी नावा,
सा उ पारस्स गामिणी ।। ७१ ॥ नावा य इइ का वुत्ता? केसी गोयममब्ववी। केसिमेवं बुवंतं तु गोयमो इणमन्ववी ।। ७२ ॥
