________________
- तेविसइमं अज्झयणं
१८५
अग्गी य इइ के वुत्ता केसी गोयममबवी । .. केसिमेवं । बुवंतं तु गोयमो इणमन्ववी ।। ५२ ।।
कसाया अग्गिणो वुत्ता सुयसीलतवो जलं । सुयधाराभिहया सन्ता भिन्ना हुन डहन्ति मे ।। ५३ ।। साह गोयम ! पन्ना ते छिन्नो मे संसओ इमो। अन्नो वि संसओ मज्झं तं मे कहसु गोयमा ! ।। ५४ ।। अयं साहसिओ भीमो दुट्ठस्सो परिधावई । जंसि गोयम ! आरूढो, कहं तेण न हीरसि ? ।। ५५ ।। पधावन्तं निगिण्हामि सुयरस्सीसमाहियं । न मे गच्छइ उम्मग्गं मग्गं च पडिवज्जई ॥ ५६ ।। अस्से य इइ के वृत्ते ? केसी गोयममब्बवी । केसिमेवं बुवंतं तु गोयमो इणमब्बवी ॥ ५७ ।। मणो साहसिओ भीमो दुटुस्सो परिधावई । तं सम्मं निगिण्हामि धम्मसिक्खाए कन्थगं ।। ५८ ।। साहु गोयम ! पन्ना ते छिन्नो मे संसओ इमो!.। अन्नो वि संसओ मज्झं तं मे कहसु गोयमा ! ।। ५६ ।। कुप्पहा वहवो लोए जेहिं नासन्ति जंतवो। अद्धाणे कह वट्टन्ते तं न नस्ससि ? गोयमा ! ।। ६० ।। जे य मग्गेण गच्छन्ति जे य उम्मग्गपट्ठिया । ते सव्वे विइया मज्झं तो न नस्सामहं मुणी ।। ६१ ॥ मग्गे य इइ के वुत्ते ? केसी गोयममब्बवी। के सिमेवं बुवंतं तु गोयमो इणमब्बवी ।। ६२ ।।
